Li Herêma Kurdistanê di 2022'yan de 44 jin hatine qetilkirin 

2023-02-01 20:00:45


	 

	NAVENDA NÛÇEYAN - Rêveberiya Rêxistina Têkoşîna Li Dijî Şîdeta li ser Malbat û Jinan ragihand ku di sala 2022’yan de li Herêma Kurdistanê 44 jin hatine kuştin.

	 

	Rêveberiya Rêxistina Têkoşîna LI Dijî Şîdeta li ser Malbat û Jinan bîlançoya şîdetê ya sala 2022’yan eşkere kir. Rêvebera Rêxistina Têkoşîna Li Dijî Şîdeta li ser Malbat û Jinan Fînik Şefîqeyê di civîna çapemeniyê de diyar kir ku di sala 2022’yan de 15 hezar û 895 dosyeyên şîdeta malbatî li saziya wan hatine tomarkirin ku ji van dosyeyan 15 hezar û 160 jê şîdeta li hemberî jinan bûne û 459 jê jî dosyeyên taybet ên malbatan bûne.

	 

	Li gorî bîlançoyê heta niha 4 hezar û 946 dosye tên lêkolînkirin û 8 hezar û 643 dosya hatine çaresekirin û ji wan 2 hezar û 605 jê ji dadgehê re hatine şandin.

	 

	Bîlançoya şîdeta 2022’yan wiha ye:

	 

	Şîdeta fîzîkî (lêdan) 3 hezar û 515

	 

	Şerkirin, 3 hezar û 403

	 

	Gefxwarin û tacîza jinan, 2 hezar û 609

	 

	Nesadiqbûna zewacê, 539 bûyer

	 

	Şîdeta devkî, 420

	 

	Xapandin, 267 bûyer

	 

	Ji malderxistina jinan, 432 bûyer

	 

	Fînik Şefîqeyê eşkere kir ku par 2 hezar û 555 jinan serî li Navenda Şêwirmendiya Malbatî dane û 7 hezar çalakiyên hişyariya li beramberî şîdetê hatine kirin.

	 

	Şefîqeyê destnîşan kir ku ji ber şîdetê biryara girtina 4 hezar û 437 kesan hatiye dayîn û ji van 3 hezar û 561 bikerên şîdetê hatine girtin.

	 

	Rêveberiya Rêxistina Têkoşîna Li Dijî Şîdeta li ser Malbat û Jinan ragihand ku di sala 2022’yan de li Herêma Kurdistanê 44 jin hatine kuştin.