
Şerîn a ji Reqayê: Daxwaz û têkoşîna me azadî bû

2017-11-19 10:02:28


	&nbsp;

	RIHA – Jina reqqayî Şerîn Cesîm Muhammed bi gotinên “Em derketin kolanan, tenê sloganek me hebû, azadî û di serî de azadiya jinê” behsa têkoşîna jinan kir û ji çirûskên ewil ên ku ji sala 2011’an ve li Sûriyê pêketin şûn ve xwe li kolanan dibîne.&nbsp;

	&nbsp;

	Dayika 2 zarokan a reqqayî Şerîn Cesîm Muhammed, li bajarê Reqayê tê dinê û li wir mezin dibe û niha jî têkoşîna xwe li Rihayê didomîne. Muhammed diyar kir ku çawa ku li her devera cîhanê jin tune tên hesibandin li Sûriyê jin tune tên hesibandin û bi salan ji bo rêxistinkirina jinan têkoşîn daye meşandin. Muhammed destnîşan kir ku bi raperîna ewil a li Sûriyê re ji bo azadiya jinê û ji bo axa xwe derketiye kolanan û ji aliyê rejîm û rêxistinên nepen ve gef lê hatine xwarin û li ser vê yekê neçar maye welatê xwe biterikîne û hatiye Rihayê.&nbsp;

	&nbsp;

	Muhammed anî ziman ku hişmendiya wê ya zayendî bi zewaca bavê wê ya 9 caran pêk aniye derketiye holê û li hember feraseta baviksalarî serî rakiriye û pergala baviksalarî ya zilam jinan dike kole û vîna wê tune dihesibîne.&nbsp;

	&nbsp;

	‘DAXWAZA JINAN A AZADIYÊ WÊREKIYÊ DA HERKESÎ’&nbsp;

	&nbsp;

	Muhammed derketina xwe ya qadan a li Sûriyê wiha anî ziman: “Welat di bin agir de bû. li wir rejîmek zalim hebû. Ez jî beşdarî xwepêşandanên bêçek bûm. Dema em derketin kolanan tenê sloganek me hebû û me digot ‘Azadî’. Di serî de daxwaza me azadiya jinê bû û ji bo jin azad bibe em derketin qadan. Di destpêka serhildanan de rola jinê ya li wir girîng bû. Daketina jinan a qadan wêrekiyê dida herkesî.”&nbsp;

	&nbsp;

	‘JI BO MAFÊ JINAN MIN GAV NEAVÊT PAŞ’

	&nbsp;

	Muhammed da zanîn ku berxwedana wan li qadan da nîşandan her çiqas rastî gef û zextan jî lê wê ji têkoşîna xwe gav neavêt paş û her çiqas gelek caran hat binçavkirin jî lê divê wan mafê jinê bi dest bixista.&nbsp;

	&nbsp;

	KURÊ XWE DI ŞER DE WINDA KIR&nbsp;

	&nbsp;

	Muhammed dema behsa kurê xwe yê 22 salî kir xemgîn bû û got: “Kurê min di şer de jiyana xwe ji dest da. Tenê kurê mine w bû. Di çalakiyan de me mil dida milê hev. Me hev bernedida. Heta roja dawî em li welatê xwe man û me têkoşîn kir. Min nexwest bêm Tirkiyeyê. Lê gefên mirinê l imin xwarin. Beriya salek û nîvê ez hatim Rihayê. Têkoşîna min li vir jî dewam dike.”&nbsp;

	Muhammed di dawiya axaftina xwe got ku dê jin her tim hebin û dê ji bo azadî û mafê jinê têkoşîna xwe berdewam bike.&nbsp;

	&nbsp;

	MA / Arjîn Dîlek Oncel

	&nbsp;