
AYM’ê ji bo girtiyan biryara ‘binpêkirina azadiya derbirînê’ da  

2024-10-30 13:23:12


	ENQERE - Dadgeha Destûra Bingehîn der barê cezayê disiplînê ya li girtiyên ku bertek nîşanî êrişên li dijî Bakur û Rojhilatê Sûriyeyê dabûn, biryara “binpêkirinê” da.&nbsp;

	Li Girtîgeha Jimara 3’yan a Tîpa T a Îzmîrê 54 girtiyan, ji bo dawî li êrişên Tirkiyeyê yên li dijî Bakur û Rojhilatê Sûriyeyê 9’ê Cotmeha 2019’an dabû destpêkirin bê anîn, daxwazname dabûn Wezareta Dadê. Îdareya girtîgehê ji ber vê daxwaznameyê der barê girtiyan de lêpirsîna disiplînê dabû destpêkirin û 11 roj cezayê hucreyê birîbû.&nbsp;

	&nbsp;

	SERLÊDAN HATIN REDKIRIN&nbsp;

	&nbsp;

	Girtiyan li dijî lêpirsîna disiplînê serî li Dadgeriya Înfazê ya Îzmîrê dabû lê belê dadgehê serlêdanê red kir. Girtiyan serî li 1’emîn Dadgeha Cezayê Giran a Karşiyaka da û ev serlêdan jî hat redkirin.&nbsp;

	&nbsp;

	BIRYARA BINPÊKIRINÊ&nbsp;

	&nbsp;

	Girtiyan bi hinceta ku azadiya derbirînê hatiye binpêkirin bi şexsî serî li Dadgeha Destûra Bingehîn (AYM) dan. AYM’ê serlêdanan kir yek û biryar da ku azadiya derbirînê hatiye binpêkirin. AYM’ê her wiha hikûm da ku tezmînata manevî ji bo girtiyan bê dayîn.&nbsp;

	&nbsp;

	&nbsp;

	&nbsp;