
Bertekên li dijî qeyûm: Dest ji darbeya li hemberî vîna gel berdin 

2024-10-31 20:33:13


	NAVENDA NÛÇEYAN - Di çalakiyan de hat diyar kirin ku panzehra qeyûman têkoşîne û wiha hat gotin: “Divê em bibin yek û rejîma yekzılamî bavêjin ser sergo.”

	Hevşaredarê Esenyûrtê Ahmet Ozer ku di hilbijartinên 31’ê Adarê de bi lihevkirina bajar hatibû hilbijatin, hat girtin û qeyûm tayînê şûna wî hat kirin. Li gelek bajaran bi daxuyaniyan tayînkirina qeyûm hat prostesto kirin.&nbsp;

	&nbsp;

	AMED

	&nbsp;

	Li Amedê li navçeya Yenîşehîrê li ber AZC plazayê ji aliyê Platforma Ked û Demokrasiyê ve der barê tayînkirina qeyûm a ji bo şaredariya Esenyurt a Stenbolê daxuyanî hat dayîn. Parlamenterên DEM Partiyê, hevserokê KCD’ê Berdan Ozturk, hevserokên DEM Partî yên Amedê, hevserokên DBP yên Amedê, rêveberên DEM Partiyê yên navend û navçeyan, hevşaredarên bajarên mezin yên Amedê Sera Bucak û Dogan Hatun, hevşaredarên navçeyên Amedê, saziyên civaka sivîl, dayikên aştiyê, TJA û gelek kes tevli daxuyaniyê bûn.

	&nbsp;

	Hevseroka hejmar 2 Egîtîm Sen a Amedê Duygu Ozay daxuyanî xwend û da zanîn ku tayînkirina qeyûman hiqûq û karîneya masumiyetê carek din ji aliyê desthilatdariyê û alîgirên wê ve hatiye binpêkirin. Duyguyê daxuyakirin ku AKP-MHP’ê îradeya gel xesp kiriye û desthilatdariyê îradeya gel nas nekiriye. Duyguyê her wih aanî ziman ku divê demildest dest ji darbeya li îradeya gel bê berdan.&nbsp;

	&nbsp;

	Daxuyanî bi dirûşmeyan bi dawî bû.&nbsp;

	&nbsp;

	ŞIRNEX

	&nbsp;

	Rêxitsina CHP ya Şirnexê li ber avahiya partiyê daxuyaniyek da. Kedkarên Konfederasyona Sendîkaya Karkerên Cemawerî (KESK) a Şirnexê û gelek kes tevli daxuyaniyê bûn. Endamên KESK’ê bi pankarta ‘dest nede îradeya gel, ji qeyûman re na’ heta ber avahiya navendê meşiyan. Serokê CHP’a Şirnexê Saît Namdar axivî û got ew tayînkirina qeyûman qebûl nakin û banga xwedîderketina li îradeya gel kirin.

	Daxuyanî bi dirûşmeyan bi dawî bû.

	&nbsp;

	EDENE

	&nbsp;

	Li Edeneyê jî bi banga CHP’a Edenê li Parka Înonu daxuyaniyek hat dayîn. Berdevka meclîsa jinan a DEM Partiyê Halîde Turkoglu &nbsp;û parlamenterê DEM Partiyê ya Bedlîsê Huseyîn Ola jî tevil daxuyaniyê bûn. Halîd di daxuyaniyê de axivî û da zanîn ku rejîma yek mêrî ji siyaseta qeyûm xwedî dibe û banga têkoşînê kir.

	&nbsp;

	Endamê MYK EMEP’ê Halîl Îmrek jî axivî û da zanîn ku divê ew rejîma yek mêrî bişînin ser sergo. Serokê CHP’a Edenê Anil Tanburoglu jî daxuyanî xwend û da zanîn ku divê li dijî vê dijhiqûqiyê hemû platformên demokrasiyê têbikoşin.

	&nbsp;&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;