
Li Cizîrê namzetên hevşaredariyê diyar bûn 

2024-01-17 08:17:56


	ŞIRNEX - Di pêşhilbijartina li navçeya Cizîrê hate lidarxistin de Guler Tûnç û Abdurrahîm Dûrmûş weke namzetên hevşaredariyê hatin hilbijartin.&nbsp;

	&nbsp;

	Partiya Wekhevî û Demokrasiyê ya Gelan (DEM Partî) duh li navçeya Cizîra Şirnexê di çarçoveya hilbijartinên herêmî yên 31’ê Adarê de tûra duyemîn a pêşhilbijartinê li dar xist. Di dengdayîna gel a li Eywana Dawetê ya Azîzoglû pêk hat de hezar û 216 delegeyan deng bikaranîn. Dengdayîn û hejmartina dengan heta derengî şevê berdewam kir. Balkêş bû ku hinek welatiyan li pûsûleya dengan “Me bi ciwanî dest pê kir, em ê bi ciwanî serbikevin” nivîsand. Yek ji bernamzetên jin Guler Tûnç 627 deng; yek ji bernamzetên mêr Abdurrahîm Dûrmûş jî 759 deng wergirtin û bûn namzetên Hevşaredariyê yên Cizîrê.&nbsp;

	&nbsp;

	‘EM Ê JIYANA DEMOKRATÎK Û JIYANA AZAD AVA BIKIN’&nbsp;

	&nbsp;

	Endamê Meclisa DEM Partiyê Zeyad Ceylan ê di pêşhilbijartinê de axivî, wiha got: “Em xwedî derketina gelê Cizîrê ya li şahiya demokrasiyê pîroz dikin. Cîzirê îro li vir dîroka xwedî derketina xwe û demokrasiyê jinûve nivîsand. Cizîr cihê berxwedanê ye. Rêveberiyên herêmî tenê ne şaredarî ne. Di heman demê de xwe bi xwe birêvebirine.”

	&nbsp;

	Parlamentera DEM Partiyê ya Dêrsimê Ayten Kordûyê jî wiha got: “Em ê tecrîdê bi hev re rakin. Birêz Abdullah Ocalan dê azad bibe. Pirsgirêka kurd ê bi awayekî aştiyane were çareserkirin.”

	&nbsp;

	Piştî axaftinan delegeyan her tim dirûşmeyên “Em ê bi berxwedanê serbikevin” , “Bijî berxwedana zindanan” û “Jin jiyan azadî” berz kirin.&nbsp;

	&nbsp;

	

	&nbsp;