
Bakirhan serdana karkerên demsalî û cotkaran kir 

2024-08-20 13:23:26


	&nbsp;

	ÎZMÎR - Hevserokê Giştî yê DEM Partiyê Tuncer Bakirhan li navçeya Torbaliyê serdana karkerên demsalî û cotkaran kir.&nbsp;

	&nbsp;

	Hevserokê Giştî yê DEM Partiyê Tuncer Bakirhan û şandeya pê re di çarçoveya hevdîtinên “Nan û Dadê” de li navçeya Torbaliya Îzmîrê serdana karkerên çandiniyê yên demsalî û cotkaran kir. Karker û cotkaran bi lêdana çepikan û fîkandinê Bakirhan û şandeya pê re pêşwazî kirin. Bakirhan li gel karker û cotkaran sohbet kir û li pirsgirêkên wan guhdar kir.&nbsp;

	&nbsp;

	

	&nbsp;

	&nbsp;

	KARKER Û COTKAR JÎ BI GILÎ Û GAZIN IN&nbsp;

	&nbsp;

	Karkeran gilî û gazincên xwe ji Bakirhan re vegotin û anî ziman ku ew di nava çerxa krîza aborî û bihabûnê de mane û yewmiyeyê ew heq dikin nagirtin. Cotkaran jî gilî û gazincên xwe anîn ziman û gotin kar û zirara wan hev dernxe.&nbsp;

	&nbsp;

	BAKIRHAN: EM Ê PIRSGIRÊKÊN WE BIBIN ROJEVA MECLISÊ&nbsp;

	&nbsp;

	Bakirhan ê ku li karker û cotkaran guhdar da zanîn ku li her deverê karker û cotkar ketine nava rewşek perîşaniyê û ew jî li dijî vê pergalê têdikoşin. Bakirhan got armanca serdana wan ew e ku pirsgirêkên karker û cotkaran bibin rojeva Meclisê û Tirkiyeyê.&nbsp;

	&nbsp;

	ŞANDE ÇÛ HERÊMA ŞEWATÊ&nbsp;

	&nbsp;

	Bakirhan di nav zeviya îstoan de kêliyekî li gel karkeran îsto berhev kirin. Bakirhan û şandeya pê re paşê ji vir berê xwe dan herêmên şewatê yên li navçeya Karşiyakayê û Bayrakliyê û dê serdana welatiyên mexdûr bûne bikin.&nbsp;