MÊRSÎN/EDENE - Li Edene û Mêrsînê jî kedkaran daxwazên xwe anîn ziman û peyama têkbirina îktidarê dan. 

 

Li Mêrsînê 1’ê Gulanê Roja Cejna Karkeran bi pêşengiya Platforma Ked û Demokrasiyê hat pîrozkirin. Nûnerên rêxistinên partiyên siyasî û pêkhateyên Platforma Ked û Demokrasiyê beriya pîrozbahiyê li ber Stada Kevn a Tevfîk Sirri Gur kom bûn û heta cihê pîrozbahiyê ya li Qada Cumhuriyetê meş li dar xistin. Meş bi coş û kêfxweşiyek mezin hat lidarxistin. Di meşê de pankart hatin vekirin û dirûşmên wek “Jin jiyan azadî”, “Hezar silav li Îmraliyê be” û “Bijî berxwedana zindanan” hatin berzkirin. 

 

 

Bi hezaran kedkar û karker li Qada Cumhuriyetê tije kirin û bi hatina korteja Partiya Çepên Kesk re li qadê coş zêdetir bû. Welatiyan demek li ber stranan govend gerandin û dîmenên rengîn ketin ber objekîfên kamerayan û wênekêşan. 

 

GIRTINA ROJNAMEVANAN HAT PROTESTOKIRIN

 

Mitîng bi rêzgirtinê dest pê kir û qurbaniyên erdhejê hatin bibîranîn. Kedkaran û karkeran soz da ku ew ê îktidara ku bûye sedema bi hezaran canê qurbaniyên mexdûrê dê têk bibin. Di mitîngê de zext û girtina li ser rojnamevanên kurd jî hat şermezarkirin û peyama heta welatek azad were avakirin dê têkoşîna xwe bidomînin. 

 

EDENE

 

Sendîkayan û saziyên sivîl li Edeneyê jî li Parka Bayrakli 1’ê Gulanê pîroz kirin. Bi hezaran karker tev li şahiyê bûn. Karkeran di mitîngê de daxwazên xwe anîn ziman û soza têkbirina îktidarê dan. Serokê GiştÎ yê Turk-Îşê Ergun Atalay di mitîngê de axivî û xwest pirgirêkên karkeran demildest werin çareserkirin.