ÊLIH - Kolektîfa Rîtma Azad, strana "Ew roj wê bê" ku di Newrozê de gotibû, dê di Newroza îsal de cardin bibêje. Endamê Kolektîfê Veysel Kiliç, bang li gelê Êlihê kir ku stranê li qada Newrozê bi hev re bibêjin.
Kolektîfa Rîtma Azad ku komeke Navenda Çandê ya Biharê ye, ê di Newroza îsal de li ser dikê be. Kom ku ji 15 kesan pêk tê, dê strana gelêrî "Ew roj wê bê" dê bi rîtmeke nû bibêje.
Endamê komê Veysel Kiliç, anî ziman ku stranê bi awayekî kolektîf ji nû ve şîrove kirine. Kiliç, diyar kir ku dê di 21'ê Adarê saet di 10.00'an de li qada Newrozê ya li Taxa Pazaryeriyê bin û bang li hemû gelê Êlihê kir ku stranê li qada Newrozê bi hev re bibêjin.
Gotinên stranê wiha ne:
"Xwîna me rijî li deştan û çiyan
Wêran kirin li me gund û bajaran
Di warê bavê xwe de em bûne mihacir
Wek bazên perşikestî mane li bin dest neyaran
Ew roj wê bê ew roja Newrozê
Cejnekî xweş bo Kurda pîroz e
Ew roja serxwebûna Kurdistan
Ew roj e, roja şahî ye Newroza Kurdistan
Bi hêvî bin van rojan derbas kin
Pêşkevin em ê welat xelas kin
Êdî bes e em qirkirin
Bi xwendin û zanîn kar bikin bo Kurdistan
Kurdno rabin hûn ser piyan
Xebat bikin ji bo welat
Wê xilas kin ji bin destan
Şer bikin ji bo welat."