NAVENDA NÛÇEYAN - Hejmara nû ya Rojnameya Xwebûnê bi manşeta “Parastina Rojava ferz e” derket.
Hejmara 260’emîn a Rojnameya Xwebûnê bi maneta “Parastina Rojava Ferz e” derket. Rojnameyê vê hefteyê bal kişand ser êrişên HTŞ’ê û komên paramîlîter ên li Heleb, Şehba û Til Rifatê û li ser girîngiya parastina Rojava rawestiya.
Rojnameya Xwebûnê di manşetê de nivîsa nivîskar Hisên Çatikkaş a li ser parastina Rojava derxist pêş. Rojnameye di surmanşetê de jî bi sernavê “Rejîmê fêlbazan û bîpolar” bal kişand ser polîtîkayên hikûmeta Tirkiyeyê. Rojnameyê di bin manşetê de jî cih da analîzek rûpela Jin a bi sernavê “Duh DAIŞ, îro HTŞ û OSO” û bal kişand ser kiryarên DAIŞ, HTŞ û OSO’yê yên li ser gelê herêmê.