ENQERE - 10 rêxistinên civakî ku di navde Komeleyên Dersimê jî hene, li dijî destûra neçîra Pezkoviyan daxuyanî dan û gotin: "Ev yek,  perçeyê şer û êrîşên bi pergal ên li dijî Kurd û Elewiyên Dersimê ye." 

 

Kongreya Îslama Demokratîk (KÎD), Komeleya Li Dijî Komkujiya Dersîmê (DSKD), Komeleya Xinis (Xınıs-Der), Komeleya Kormeşiyan (KD), Navenda Çanda Koçkîrî (KKM), Înîsiyatifa Kurecîkiyan (KÎ), Înîsiyatifa Karakoçan, ya Swêd, Federasyona Komeleyên Mereşê û Komeleya Piştevanî û Çanda Gumgumê (Varto-Der), têkildarî biryara Wezareta Daristan û Çandiniyê ku destûrê dide seyit û neçîra Pezkoviyên Çiyê yên li Dersimê daxuyanî dan. Rêxistinên elewiyan û komeleyên Dersimê bertekên xwe anîn ziman û gotin: "Ev yek,  perçeyê şer û êrîşên bi pergal ên li dijî Kurd û Elewiyên Dersimê ye. Em bang li hemû gelê Dersimê, rêxistinên Elewiyan ên Dersimê dikin ku xwe bi rêxistin bikin. Em bang li Konseya Ewropa, Yekitiya Parastina Xwezaya Navneteweyî, Tevgera Ekolojiyê, Hezkerên Sewalan û parazvanên xwezayê dikin ku erk û berpirsiyarê bidin ser milê xwe."