STENBOL – Xelatên 27’emîn a Mûsa Anter û Rojnamegeriya Şehîdên Çapemeniya Azad diyar bûn. Di beşa nûçeyên kurdî, tirkî û jin de ajansa me hêjayî xelatan hat dîtin.
Xelatên 27’emîn a Mûsa Anter û Rojnamegeriya Şehîdên Çapemeniya Azad ji aliyê Rojnameya Yenî Yaşamê ve tê lidarxistin diyar bûn. Xelatên di beşên wek “Nûçeyên kurdî”, “Nûçeyên tirkî”, “Wêne”, “Karîkatûr” û ji bo bîranîna Gurbetellî Ersoz “Nûçegihaniya Jin” di van 5 beşan de xwediyê xwe dîtin.
BEŞA NÛÇEYA TIRKÎ DAN AJANSA ME
Di beşa “Nûçeya tirkî” de nûçegihanê me Erdogan Alayûmat bi nûçeya xwe ya “261 cenaze li peyarêyê hatin veşartin” bi ser ket û hêjayî xelatê hat dîtin. Alayûmat derxistibû holê ku cenazeyên ji Goristana Xerzana Bedlîsê hatibûn derxistin û li peyarêya Goristana Kîlyosa Stenbolê hatibûn veşartin.
XELATA JÛRIYA TAYBET A NÛÇEYA TIRKÎ DAN ERCÛMENT AKDENÎZ
Di beşa “Xelata Jûriya Tyabet a Nûçeya Tirkî” de jî nûçeya “Bi şîfreya rêwî penaberan veguhezandin mirinê” ya rojnamevan Ercument Akdenîz hêjayî xelat3e hat dîtin. Akdenîz derbarê hûrguliyên keştiya penaberan ku li Gola Wanê noqî avê bûbûn çêkiribû.
DI BEŞA KURDÎ DE AJANSA ME Û JINNEWS HÊJAYÎ XELATÊ HAT DÎTIN
Di beşa “Nûçeya kurdî” de jî du nûçe hêjayî xelatê hatin dîtin. Nûçeya ajansa me ya “Cenaze piştî 3 salan bi rêya PTT’ê ji malbatê re şandin” a nûçegihanên me Fahrettîn Kiliç û Ayşe Surme û her wiha nûçeya “Me xwe gihaşt nameya Î.E. ya ku çawişê pispor tecawizî wê kir” a nûçegihana JINNEWS’ê Medya Uren hêjayî xelatê hat dîtin. Fahrettîn Kiliç û Ayşe Surme nûçeya dayikek ku pakêtê kargoya hestiyên kurê xwe pêşwazî dike û daniye ser çonga xwe. Her wiha Medya Uren jî nameya Îper Er a çawişê pispor Mûsa Orhan destdirêjiyê wê kiribû.
XELATA NÛÇEGIHANIYA JIN A GURBETELLÎ ERSOZ DAN YUKLER
Di beşa “Nûçegihana Jin a Gurbetellî Ersoz” de jî ji Rojnameya Karinca Sîbel Yukler bi nûçeya xwe ya “Polîsan adeta Emîne Bûlût sûcdar kiriye” hêjayî xelatê hat dîtin. Yukler bi nûçeya xwe bal kişandibû ser tundî, kuştin, destdirêjî, gef û binpêkirinên mafan ên jinan.
XELATA JÛRIYA TAYBET NÛÇEGIHANIYA JIN DAN ARJÎN ONCEL
Di beşa “Xelata Jûriya Taybet a Nûçegihaniya Jin” de jî nûçeya “Dayika ku bû şahidê mirina keça xwe ya bi destdirêjiyê rûbirû hatiye hiştin” a nûçegihana me Arjîn Dîlek Oncel hêjayî xelatê hat dîtin.
XELATA WÊNEYAN DAN KÛRAY Û ERDOGAN
Di beşa “Wêne” de jî du wêne hêjayî xelatê hat dîtin. Wêneyê “Dorpêç” ê rojnamevan Zeynep Kuray” ku parlementerên HDP’ê di dorpêça polîsan de bûn yekemîn hat dîtin û hêjayî xelata hat dîtin. Di wêne de sepanên antî-demokratîk dide nîşandan û zextên li ser HDP’ê rave dike.
Her wiha wêneyê bi navê “Wêneyê Tirkiyê” yê rojnamevan Fatoş Erdogan ku merasîma cenazeyê parêzer Ebrû Tîmtîk girtibû hêjayî xelatê hat dîtin.
XELATA JÛRIYA TAYBET DAN SEDA TAŞKIN
Wêneyê “Heskîf” ê rojnamevan Seda Taşkin jî ji bo beşa “Xelata Jûriya Taybet” hêjayî xelatê hat dîtin.
BEŞÎR GEROGLÛ BÛ YEKEMÎN
Di beşa “Karîkatur” de jî karîkaturê Beşîr Geroglû hêjayî xelatê hat dîtin. Karîkaturê Kiymet Guven jî hêjayî “Xelata Jûriya Taybet” hat dîtin.