RIHA - Hevseroka Giştî ya HDP’ê Pervîn Bûldan diyar kir ku axaftina wê ya li Dîlokê hatiye berovajîkirin û got: “Li vî welatî piştî hemû bêhiqûqiyan kurdek ku wê bi AKP’ê re li ser maseyê rûnê tune ye.” 

 

Partiya Demokratîk a Gelan (HDP) di çarçoveya “Kampanya Parastinê” li Rihayê bi dirûşma “Em HDP’yî ne û li her derê ne” hevdîtina bi gel re li dar xist. Hevseroka Giştî ya HDP’ê Pervîn Bûldan, Hevserokê Giştî yê DBP’ê Keskîn Bayindir û şandeya bi wan re di ketina bajêr de ji aliyê endam û rêveberên HDP’ê ve hatin pêşwazîkirin. Bûldan û şandeya xwe derbasî ber avahiya Rêxistina HDP’ê ya Navçeya Karakopruyê bûn û xelkê bi dirûşm û kêfxweşî pêşwazî li wan kir. 

 

BAJARÊ MELÎKAN Û AYHANAN 

 

Di hevdîtina bi gel re Bûldan ji xelkê re axivî û wiha got: 

 

“Hûn bi xêr hatin û serçavan re hatin. Em îro li warê pêxemberan Rihayê ne. Ji ber em li vir in, em gelek kêfxweş in. Serkeftin ji we re. Em ji Muhsin Melikan bigire heya İbrahîm Ayhanan, ku beşdarî tekoşîna me bûne, ango têkoşîna aştî, demokrasî û azadiyê, lê yên ku îro ne bi me re ne, yên ku ji bo vê têkoşînê gelek ked dane, em bi rêzdarî bejna xwe li ber hevrêyên xwe ditewînin. Bi hezkirin û dilovanî bibîr tînin. Em carek din soz didin ku em ê vê mîrateyê, vê alê, ku wan ji me re hiştine, ti carî daynenin xwarê. Em di meha Tîrmehê de ne, ji 20’ê Tîrmehê re hindik ma. Bi minasebeta 20ê Tîrmehê, nemaze salvegera qetlîama Pirsûsê, em careke din ji hemû hevalên xwe yên ku di vê qetlîama de canê xwe ji dest dane re rehmetê dixwazin. Em dizanin yên ku ev qetlîam pêk anîn, yên bi heman zihniyetê, ev êriş ne tenê li Pirsûsê li Enqereyê, lê her weha li Marmarisê jî bi heman armancê pêk anîn, pir nêzik, di rêxistina meya parêzgeha İzmîrê de Denîz Poyraza delal qetil kirin. Em baş dizanin ku li pişt van qetlîaman, yên ku Komkujiya Pirsûs û Enqereyê pêk anîn, yên ku Deniz Poyraz li Îzmîrê kuştin û yên ku îro êrişî avahiya me ya li Marmarîsê kirin ji heman tîmê ne. Em bi organîzatoran dizanin. Em bi kiryarên qetlîaman dizanin.Em careke din diyar dikin ku bêguman em ê hesabê wan li ber daraz û edaletê bipirsin.

 

WE ÇANDINIYÊ QEDAND 

 

Gelê hêja yê Rihayê, em gazî wan kesan dikin ku bi têgihiştinek wusa Rihayê birêve dibin, nemaze di mehên havînê de, bi qutbûna ceyranê ya DEDAŞ, ku gelê Rihayê bêceyran û bêav dimîne; Em baş dizanin ku dijminatiya li Kurdan li pişt van polîtîkayên we ye. We ceyrana gelê Rihayê qut kir, ceyran û ava vî gelê ku bi çandiniyê dijî qut kir û we çandinî qedand. Qet ji bîr nekin ku dê ev kiryarên hanê ji xelkê Rihayê ve were pirsîn û di hilbijartinan de li sindoqa hesabê vê yekê bipirsin.

 

Bi erdên bereket ên Rihayê ve, yên ku nahêlin debara jiyana xelkê Rihayê bibe, dibin sedema ku mirovên Rihayê wekî karkerên demsalî biçin rojavayê Tirkiyê. Piraniya Rihayê neçar in ku wekî karkerên demsalî kar bikin. Her çend axa Rihayê têra xwe bi xêrûber e jî û dikare cîhanekê têr bike jî lê yên ku pêşî li wan digirin bêguman dê di hilbijartinan de hesabê vê yekê bidin. Yên ku wekî karker diçin metropolan, yên ku diçin rojavayê welêt, di rê de di qezayekê de dimirin an bi êrişên nîjadperest re rû bi rû dimînin. Sedema vê yekê ev e ku rêveberên vî welatî, hikûmeta AKP her roj kurdan û HDP dike hedef û dijminatiya xwe ji kurdan re rave dike ye. 

 

QÎRÎNA EDALETÊ 

 

Dê gelê Rihayê li pêşberî vê dijminahiya li sindoqan bersiva herî baş bide. Amade ne ku bidin. Em duh li Dîlokê bûn û dizanibûn em ê werin Rihayê. Vê Sibehê Malbata Şenyaşar ku 128 roj li ber Edliyeya Rihayê nobeta edaletê girt, binçav kirin. Ji ber em ê biçûna serdana Malbatê wan binçav kirin. Em carek din vê bêexlaqî û bêhiqûqiya bi nefret şermezar dikin. Ya ku divê were kirin ne binçavkirina Malbata Şenyaşar e, lê guhdarkirina hawara wan a edaletê ye. Hikûmeta AKP’ê careke din bêwijdaniya xwe nîşan da. Serdana me ya ji bo wan bêguman girîng e. Lê bila viya ji bîr nekin bi milyonan kurd li cem Malbata Şenyaşar in. Banga wan a edaletê banga me ya edaletê ye. Bêhiqûqiya ku ew pê re rûbirû mane, bêguman di rojeva HDP’ê de ye. Hûnê nikaribin serdana HDP’ê ya ji bo malbatê asteng bikin. Em rêz û hezkirina xwe ji dayika xwe Emîne Şenyaşar re dişînin.

 

KURD BI AKP’Ê RE RÛNANÊN 

 

Îro jî zilma AKP’ê ya li ser kurdan eşkere ye. Ew bi vî rengî zilmek li vî welatî birêve dibin. Armanca wan ew e ku di hilbijartinan de carek din werin ser hukmê. Êdî dema wê ye ku em careke din nîşan bidin ku gelên Tirkiyeyê û Kurd ji derewên AKP'ê têr bûne. Min duh li Dîlokê qala pêvajoya çareseriyê kir. Min di pêvajoya çareseriyê de qala dema hêja ya vî welatî kir. Yên ku van daxuyaniyan berevajî dikin û dibêjin ku ew dixwazin di pêvajoya çareseriyê de careke din bi AKP’ê re li ser masê rûnên. Lê em îro bi zilma AKP’ê re rûbirû ne, wekîlên me yên li girtîgehan, girtina şaredarên me, rêveberên me bi operasyonên her roj, dozên ku li dijî me hatine vekirin hene.  rapor, hemî bêhiqûqiya li vî welatî Kurdek tenê nîne ku digel AKP-ê li ser masê rûne. Li vî welatî piştî hemû bêhiqûqiyan kurdek ku wê bi AKP’ê re li ser maseyê rûnê tune ye.” 

 

 

KURD WÊ KIRINÊN WE JI BÎR NEKIN 

 

Yên ku welat bi kiryarên antî demokratîk bi rê ve dibin, li pêşiya gelan û siyaseta gelê kurd astengiyan derdixin, zimanê kurdî qedexe dikin, zextê li kesên hilbijartî dikin, yên ku mafê kurdan ê hilbijartin û hilbijartinê dibînin , yên ku edalet û yasayê ji bo kurdan paşguh dikin, û yên ku her roj gelê kurd perîşan dikin, divê baş zanibin em ê heta kêliyên xwe yên dawî têkoşîna xwe bidomînin. Ew jî wê dibînin, di anketan de berjêr diçin. Ji bo vê, ew diçin Amedê û çavê xwe didin ser kurdan. Wê xelkê me zilma hûn li partiya me dikin ji bîr neke. Wê xelkê me têkoşîna azadiyê û demokrasiyê ji bîr neke. Îradeya kurdan di zindanê de ye. Em vê yekê careke din tînin bîra AKP'ê û bila dawî li zilma xwe bîne.”