* Secan Kûrkût diyar kir ku Newroz ji bo her kesî cejn e, lê ji bo wê rojeke "êşbar" e û got: "Kesên îsal biçin Newrozê bila Kemal ji bîr nekin. Her cara ku agirê Newrozê bê vêxistin bila Kemal bê bîra wan, bila neyê jibîrkirin." 

 

* Siyasetmedar Abdurrahman Dogar ê ku di pîrozbahiya Newroza sala 2008’an de li Wanê serokê DTP’a Wanê bû û di wê Newrozê de xelk hat îşkencekirin got: “Kurd astengî û qedexeyên li pêşiya Newrozê nas nakin. Çi dibe bila bibe dîsa jî pîroz dikin.”

 

* Necîme Yaşarer a beriya 30 salan bi zarokên xwe re tevli pîrozbahiya Newrozê ya ewil bûbû, niha xwe amade dike ku bi nêviyên xwe re tevlî Newrozê bibe. Yaşarer, her kesî vexwend Newrozê û wiha got: “Newroz, yekitî, aştî û hebûna Kurdistanê ye. Divê em biçin Newrozê û ji 7 salî heta 70’ê salî qadan dagirin.”

 

* Şêniyên navçeya Bazîdê têkildarî pîrozbahiya Newrozê ya dê di 20’ê mehê de bê pîrozkirin axivîn û gotin: “Newroz ji bo azadiya kurdan roja serhildanê ye. Bila ev newroz bibe wesîleya azadiyê.” 

 

* Dîroknas Prof. Dr. Hamît Bozarslan diyar kir ku heke şerê di navbera Rûsya û Ûkraynayê de bi rêyên demokratîk neyê çareserkirin, dibe ku cîhan 10 salan bikeve şerê gerîlatiyê û wiha got: “Di heman demê de Putîn, Tirkiye neçarî xwe kir û xiste xefikê.” 

 

* Aynûr Karatay a ku du zarokên wê û hevjînê wê jiyana xwe ji dest dane, 2 zarokên wê di girtîgehê de ne û herî dawî jî cenazeyê keça wê Sitî di nava qûtiyekê de dan wê wiha got: “Ez dayika egîdan im, serbilind im û li ser pêya me.”

 

* Hevseroka KNK'ê Zeyneb Mûrad diyar kir ku li her çar parçeyên Kurdistanê jî pirsgirêkên jinan heman pirsgirêk in û wiha got: “Pêdiviya jinan bi yekitî û yekhelwestiyê heye. Heke em xwedî li hev derkevin û hêza xwe bikin yek, em ê bikarin li dijî vê zîhniyetê têbikoşîn.” 

 

* Li navçeya Pirsûsê di 2013'an de hatibû îdiakirin ku "çewalek bombeyan" hatiye dîtin. Nivîskar û rojnamevan Mehmet Serhat Polatsoy ku 8 sal in ji ber vê îdiayê tê darizandin got: "Li holê delîlek berbiçav tune ye, tenê sêwirandin e." 

 

* Bavê Hakan Arslanê ku piştî 5 salan li Sûrê hestiyên wî hatin derxistin got: "Em dixwazin hestiyên xwe wergirin û veşêrin da êşa me hebikekî sivik bibe." 

 

* Berdevkê TDÎ’yê Ertan Çita qala kampanyaya “Azadî ji girtiyên nexweş re” kir û wiha got: “Çi eleqeya ATK’ê bi zanist û tipê re nemaye. Me bi çalakiyên xwe xwest ku biryarên nerast ên ATK’ê teşhîr bikin.” 

 

* Nobeda Edaletê ya Malbata Şenyaşar dê di roja 372'emîn de berdewam bike.

 

* Yekîtiya Karker Kedkar dê li Odeya Endezyarên Ceyranê ya li navçeya Şîşliya Stenbolê sazûmankariya xwe ragihîne. (12.00)

 

* Îro pîrozbahiya ewil a Newrozê li navçeya Elkê ya Şirnexê tê lidarxistin. (ZINDÎ), Her wiha dê li gelek bajarên din jî xebatên amadekariyên Newrozê werin kirin. (12.00.19.00)

 

* DTSO, Fûara Mezopotamyayê û ALZ Group dê li Navenda Fûar û Kongreyê vekirina Fûara Çandinî û Sewalkariyê ya Mezopotamyayê ya 13'emîn bikin. (12.00)

 

* HDP û CHP dê komcivînên xwe yên li Meclisê li dar bixin. (12.45/13.40)

 

* Nobeda Edaletê ya malbatên girtiyan dê li Amed, Wan û Îzmîrê berdewam bike. (12.30-16.00)

 

* Nûnertiya DÎSK'ê ya Herêma Egeyê dê li dijî zem û bihakirina her tiştî li Meydana Cumhuriyetê ya Îzmîrê mitîng li dar bixe. (13.00)