AGIRÎ - Dihat îdiakirin ku Ahmet Bugrur li Midûriyeta Emniyetê ya Bazîdê întîhar kiriye. Baroya Agiriyê têkildarî îdiaya întîharê rapor amade kir û wiha got: “Bugrur beriya întîharê qêriyaye û deng derxistiye. Mimkin nîne ku dengê wî nehatibe bihîstin.” 

 

Dihat îdiakirin ku welatiyê bi navê Ahmet Bugrur li Midûriyeta Emniyetê ya Bazîd a Agiriyê întîhar kiriye. Komîsyona Mafên Mirovan a Baroya Agiriyê têkildarî îdiaya întîharê raporek amade kir. Hat ragihandin ku rapor, piştî hevdîtina bi cîgirê midûrê emniyeta Bazîdê û malbata Bugrur hatiye amadekirin. 

 

ŞOPÊN DERBKIRINÊ 

 

Di raporê de hat destnîşankirin ku endamên malbatê diyar kirine ku ji enîşka destê rastê heta valahiya zikê Bugrur tevahî reş û şûn bûbû, li ser cil û bergên wî şopên heriyê hebûn, ji ber pêhnên lê hatine xistin li ser pantorê wî şopên pêlavan hebûn û tu pirsgirêkên tenduristiyê yên Bugrur ên zêhnî û fîzîkî tune bûn. Bi domdarî di raporê de ji bo îfadeyên cîgirê midûrê emniyetê jî ev agahî hatin parvekirin: “Cîgirê midûrê emniyetê got ku ranzayên li nezaretxaneyê bivîda ne, demekî nêz de li nezaretxaneyê teftîş hatiye kirin, li her devera avahiya emniyetê kamera hene, ji roja ewil a bûyerê ve daxwaza mufetîş kirine. Her wiha got ku ji ber ku lêpirsîn didome, nikare hûrgiliyên berfirehtir bide.” 

 

KAR ZÊDE YE!

 

Di raporê de hat destnîşankirin ku rapirsîna têkildarî bûyerê hêj didome û di dema bûyerê de polîsên li emniyetê wiha gotine; “Kamerayên me yên li nezaretxaneyê dixebitiyan. Ekranên nîşandana kamerayan a li amîrtiya komê li gorî ekranên kamerayên li nezaretxane û korîdora li qata nezaretxaneyê biçûktir û netêrtir in. Lewma ji bo dîmenên heyî di ekranê de xuya bikin, weke ebatên biçûk xuya dikin. Lewma dema li pêş van kamerayan bûyerek çêdibe, tavilê nayê ferqkirin.” 

 

XEWA WÎ SIVIKE LÊ NEBIHISTIYE

 

Dihat gotin ku dema bûyer qewimî kesê bi navê S.K. li nezaretxaneyeke cuda dima û di roj û saeta bûyerê de li nezaretxaneya hejmar 3’yan de dihat ragirtin. Li gorî raporê; S.K. têkildarî bûyerê ev îfade da: “Xewma min pir sivik e, ji ber ku deriyên nezaretxaneyê ji hesin hatine çêkirin dema tê vekirin gelek deng jê tê lê min di wê rojê de tu deng nebihistîn.” 

 

ÇAVDÊRÎ Û TESPÎT

 

Di raporê de ev tespît hatine kirin: 

 

“*Hat tespîtkirin ku Ahmet Bugrur bi melayê taxê re nîqaş kiriye û li ser giliyê mela, hatiye binçavkirin. 

 

* Hatiye tespîtkirin ku di navbera odeya şopandina kamerayan û nezaretxaneyê de navbereke bi qasî 30 saniyeyan heye. Her wiha nezaretxaneyên bi hejmar 3 û 4 li rex hev ve ne û hat tespîtkirin ku dengekî herî biçûk jî tê bihîstin. 

 

 *Hat diyarkirin ku ekrana şopandina kamerayan piştre hatiye guherandin û beriya bûyerê û roja bûyerê li ser ekranên kompûterên biçûk hatiye temaşekirin. Her wiha agahî nehatin dayîn bê ka di dîrok û saeta bûyerê de hêzên ewlekariyê li odeya temaşekirina kamerayan hebûn an na. 

 

*Bûyer li nezaretxaneya hejmar 4 pêk hatiye. Li gorî îfadeyên kesê bi navê S.K. ku di roj û saeta bûyerê de li nezaretxaneya hejmar 3’yan dihat ragirtin û li gorî dîmenên kamerayan; Bugrur di nava 10 deqeyan de gelek caran hewl dide întîhar bike, ji bo suntayan ji bloqên beton veke wan dide zorê, çendek caran xwe bi şifşeyên nezaretxaneyê ve hildikişîne, di wê navberê de sunta ji destê wî dikevin erdê, her çend ku kamerayan qeyda deng negirtibe û dîmenên bêdeng kişandibin jî ji hereketên dev xuya dibe ku diqîre û deng derdixîne. Nezaretxaneya ku şexsê bi navê S.K. lê dimîne li rex nezaretxaneya Bugrur e û odeya polîs lê dimînin jî li cihekî pir nêz e. Di rewşeke wiha de nebihistîna dengê Bugrur mimkin nîne. 

 

*Polîsan di îfadeyên xwe de diyar kirin ku di roja bûyerê de kamerayên nezaretxaneyê li ser ekranên komputerên biçûk hatine temaşekirin lewma nehatine ferqkirin. Piştî bûyerê jî li ser ekranên mezin hatiye temaşekirin. Li gorî girteka temaşekirina kamerayan jî şexsê behsa xeberê saet di 09.20.20’an de bêtevger ma ye û polîs jî saet di 09.38.35’an de hatine nezaretxaneyê. Bi vê yekê re hatiye tespîtkirin ku saziyê berpirsyartiya xwe ya çavdêrî û pêşîlêgirtinê binpê kiriye.”