BEDLÎS - Hevserokê Giştî yê DEM Partiyê Tûncer Bakirhan ê di hevdîtina bi gel re ya Tetwanê de qala girîngiya hilbijartina 31’ê Adarê kir, wiha got: “Ev hilbijartin, hilbijartineke di navbera tifaqa JÎTEM’ê û gelê kurd ê dibêje ‘Ez kurd im, mirov im, dixwazim bi awayekî wekhev bijîm. Dixwazim ziman û çanda xwe bi awayekî azad bijîm’ de ye.”
Hevserokê Giştî yê Partiya Wekhevî û Demokrasiyê ya Gelan (DEM Partî) Tuncer Bakirhan tev li hevdîtina bi gel re ya li navçeya Tetwan a Bedlîsê hate lidarxistin bû. Bakirhan û kesên pê re di ketina navçeyê de hatin pêşwazîkirin û heta li ber navçeya ku hevdîtina bi gel re lê hate lidarxistin meşiyan. Bi hezaran kesên ku dirûşma “Tetwan bi we serbilind e” berz kirin, bi pankarta bi kurdî û tirkî li ser “Azadî bi xwe rêvebirinê dest pê dike” dest bi meşê kirin. Gelek kesan ji serbanên xwe û wesayîtên xwe piştgirî da meşê.
Li qada ku meş lê hate lidarxistin pankarta “Ji tecrîdê re na, berî her tiştî aştî” û “Rêya 3’yemîn rêya çareseriyê ye” hatin daliqandin. Li vir ji bo kesên di têkoşîna azadî û demokrasiyê de jiyana xwe ji dest dane rez hate girtin. Li vir girseyê bi yek dengî dirûşma “Bijî berxwedana zindanan” berz kir.
Hevserokê Giştî yê DEM Partiyê Tûncer Bakirhan ê piştî silavkirin û axaftina namzetên hevşaredariyê yên navçeyê axivî, li dijî coşa heyî wiha got: “Di 31’ê Adarê de hûn ê derseke mezin bidin kesên me kurdan, zimanê me û axa me nas nakin.” Bakirhan, anî ziman ku ji Seîd-Nûrsî û Seyît Elî biminet in û got: “Ev nirxên ku qala wan dikim, berê karên em niha dikin, dikirin. Ji bo ziman û çanda kurdî berdelên giranbiha dan. Ez wan bi rêzdarî bi bîr tînim.”
‘HILBIJARTIN DI NAVBERA WE Û TIFAQA JÎTEMÊ DE YE’
Bakirhan wiha dirêjî da axaftina xwe: “Di kesayeta Şevket Epozdemîr de hemû hevalên me yên ji HEP’ê heta niha bedel dane, têkoşiyane û jiyana xwe ji dest dane bi rêzdarî bi bîr tînim. Ez bi bawer im ku gelê Tetwanê dê alaya wan nexe erdî. Serokwezîr û Wezîrê Karên Hundir ên dema parêzer Şevket Epozdemîr û bi deh hezaran mirovên me hatine qetilkirinin dîsa derketine holê. Propagandaya hilbijartinê ya partiya desthilatê dikin. AKP bi aktorên serdemê ku di salên 90’î de gundên kurdan şewitandin, bi deh hezaran avêtin bîrên asitî û rastî cînayetên kiryarên nediyar hatin derkedikeve pêş me. An ku ev hilbijartin dê di navbera we û tifaqa JÎTEM’ê de derbas bibe. Ev hilbijartin, hilbijartineke di navbera tifaqa JÎTEM’ê û gelê kurd ê dibêje ‘Ez kurd im, mirov im, dixwazim bi awayekî wekhev bijîm. Dixwazim ziman û çanda xwe bi awayekî azad bijîm’ de ye. Ji ber wê yekê gelekî girîng e. Çavên bi hezaran hevrêyên me yên li sirgunê di vê hilbijartinê de ye. Çavên Selahattîn Demîrtaş, Gultan Kişanak, Sebahat Tûncel û bi hezaran hevalên me li Tetwanê ye, li Bedlîsê ye. Gelê Tetwanê dê bersiva hevrêyên me yên li sirgunê, di girtîgehê de, heta vêgavê têkoşîn dane, jiyana xwe ji dest dane bide? Bi gelê Tetwanê her tim serê me bilind e.”
DEYNÊ ŞAREDARIYA TETWANÊ
Bakirhan, anî ziman ku Tetwan yek navçeyên herî girîng e û diyar kir ku perav bi çopî hatiye dagirtin û ev pirs kir: “Mirov li cihê ku avê lê dibînin parkan çêdikin ji bo ku behna xwe vekin, qeyûm û şaredarê heman ferasetê perava golê kiriye çop. Gelê Tetwanê vê heq dike?” Di vê navberê de girseyê qeyûm protesto kir. Bakirhan, wiha dirêjî da axaftina xwe: “Dema em li deynê Tetwanê dinêrin weke ku şaredariya bajarê mezin e. Di xizmetê, binesazî, çêkirina rê û anîna avê de sifir e lê di deynan de bi bajarê mezin re ketiye pêşbirkê. Ez ji qeyûmê serdema beriya niha re dibêjim; te ev deyn çawa kir, çima kir, li ku xerc kir? Dikare bersivê bide? Na. Nêlirêtiyên wan dê ji vir heta Stenbolê bibin rê. Kedkar, xizan û jinên hêja vî deynî heq nakin. Em ê hesaba vê li ser sindoqan bipirsin. Em soz didin we namzetên me yên şaredariyê dê di 1’ê nîsanê de nelirêtî û deynên Şaredariya Tetwanê yek bi yek derxînin holê. Li Tetwanê mirovên AKP’î jî tên cem me. Çima hûn dizanin? Dibêjin ‘Me ji van dizan xelas bikin. Me ji vê feraseta şaredarvaniyê ya bajar bin deynan xistî xelas kin. Ji vê bêxizmetiyê xelas kir’ Heke hûn bixwazin ji van xelas bin kerem bikin em bi hev re piştgiriyê bidin namzetên DEM Partiyê. Em dibêjin li Tetwanê em DEM Partiyê bikin desthilat.”
‘KESÊN ME NAS NAKIN EM JÎ NAS NAKIN’
Bakirhan, di berdewama axaftina xwe de wiha got: “Qeyûm tayînkirin û gotin ‘vîna kurdan derbas nabe’. Qeyûman tayînî tu derên Tirkiyeyê nakin, tenê tayînî şaredariyên kurd dikin. Ev nenaskirina vîna gelê kurd e. Kesên me nasnakin em jî nas nakin. Cih tê li Tetwanê dibin kurd li Enqereyê dibin gurg. Li Enqereyê di nava tifaqa guran de cih digire û tê vir dibe kurd. Çawa dibî kurd ku tabelaya li ser ‘Şaredariya Tetwan dinivîse dadixînî? Bila ji we re soz be em ê di 1’ê nîsanê de dîsa li ser vê şaredariyê tabelaya li ser “Şaredariya Tetwanê” dinivîse daliqînin. Ne tenê neyarên kurdî ne. Kevirên gorên zarokên me yên navên kurdî li ser in dişikînin. Li ser cîhanê olek, baweriyeke wiha heye. Hikumeteke din nîne ku li ser kevirên goran navan jê dibin.”
Bakirhan, ragihand ku li Bedlis û navçeyên wê 676 neguhêzbar hatine firotin û wiha lê zêde kir: “Ev difiroşin û didizin. Bi rastî jî li Bedlîs û navçeyên wê talan heye. Em ê vê pergala diziyê rawestînin. Yek ji bajarê herî xizan Bedlîs e. Navçeya me ya ku diviya bû herêma tûrizmê be xizan e û bêkar e. Li navçeya me ciwan koç dikin, hevalên me yên jin kar peyda nakin. Efendiyan bi pêkanînên xwe yên antî demokratîk asteng dikin ku ev der pêş bikeve.”
REMEZAN Û KRÎZA ABORÎ
Bakirhan, bi bîr xist ku sibê roja ewil a Meha Remezanê ye û wiha berdewam kir: “Li Tetwanê mirov xurmeyê bi liban dikirin. Êdî beqlave yek bi yek tên firotin. Dema kirîna bi kîloyan qediya. Dikandar dikanan digirin. Ji berê zêdetir gelê me yê Bedlîsê dikanan digire. Lê dema tu li qesrê dinêrî dibêje ‘maşalah’ aborî baş e. Serê xwe ji qesrê dernaxînin û nabînin ka milet çi dixwe û çi naxwe. Li Bedlisa ku kirê bûne 15 hezar gel çi bixwe û vexwe, kirêya xwe çawa bide? Li gorî wan her tişt baş e. Em ê di sindoqê de bersiva pêwîst bidin wan.
EV DER KURDISTAN E
Serê sibê û êvarî radibin dibêjin ‘DEM Partî û DEM Partî’. Hûn qurbana DEM’ê bin. Bila qasî DEM’ê kevir bi ser we de bên. Têkoşîna we ya birûmet van kesên nelirêtiyan dike, zimanê wan tune dihesibîne ewqas tirsandiye, li cihên ku em nakevin hilbijartinê jî me nîqaş dikin. Hûn her hebin. Hûn bi vê sekna xwe ya birûmet bûn tirsa dilê faşistan. Diçin her derê û dibêjin ‘teroristan û teroristan’ Ji Rojava, Rojhilat û Başûrê Kurdistanê re dibêjin. Mezinên me bi hezaran salan e li ser vê axê dijîn. Me deriyê xwe vekir. Me kurdan ji bo vê erdnîgariyê canê xwe da. Lê ji me re dibêjin ‘vîna we ya hilbijartî terorîst, her axa hûn li ser dijîn teroristan e’ Ev der ne teroristan e, Kurdistan e Kurdistan. Dê bi hezaran salan jî weke Kurdistan bimîne.”
‘MALA WE DEM PARTÎ YE’
Bakirhan ê ji namzetên Hevşaredariyê yên Tetwanê re piştgirî xwest, axaftina xwe wiha bi dawî kir: “Ez bang li kesên di partiyên din ên siyasî de cih digirin dikim; Heke hûn neviyên Şêx Seîd û Seîd Nûrsî bin, hevrêyên Epozdemîran bin, piçekê wijdana we hebe, bi kesên ku ziman û çanda kurdan tune dihesibînin, vîna wan diavêje girtîgehê re siyasetê nekin. Mala we DEM Partî ye. Werin bi xwişk û birayên xwe re bi gelê xwe re bi partiya xwe ya ji bo kurdî têdikoşe re siyasetê bikin. Werin em bi hev re gelê xwe ji vê xizaniyê xelas bikin. Em ê bi xebatên bikin re Şaredariya Tetwanê bidest bixin. Hûn hevalê hêja Erol nas dikin. Hevalekî paqij e. Bawer bikin bi jêhatîbûn, hezkirin û hurmeta xwe ya ji bo we hûn ne li Tetwanê hemû şaredarên Tirkiyeyê bînin hevalî wiha paqij nabînin. Dîsa dê bi hevala me ya Belkizê re Şaredariya Tetwanê dê jêhatîtir û xweşiktir bibe. Ez kesên dibêjin ‘Jin jiyan azadî’ ji bo şaredara me Belkizê vedixwînim ku 24 saetan bi awayekî aktîf tev li xebatan bibin. Ji kerema xwe xwedî li emanetê xwe derkevin. DEM dema Tetwanê ye, DEM dema kurdan e, DEM dema me ye.”
Hevdîtina bi gel re piştî axaftina Bakirhan bi govenda hate gerandin re bi dawî bû.