Êrişên dewleta tirk û koma wê ya paramîlîter SMO’yê yên li ser Bakur û Rojhilatê Sûriyeyê berdewam in. Di van êrişan de sivîl yekser hedef tên girtin û heta niha gelek sivîl hatin qetilkirin û birîndarkirin. Di 7’ê Kanûnê de artêşa Tirk û çeteyên wê bi dijwarî êrişî bajarê Minbicê kir û komên wê yên paramîlîter gihiştin Bendava Tişrînê ya 30 km’an li başûrê Minbicê dikeve û Pira Qereqozaqê ya 30 km’an li başûrê Kobanê dimîne. Li wan deveran Hêzên Sûriyeyeya Demokratîk (HSD) û Yekîneyên Parastina Jin (YPJ) berxwedaneke mezin raber kirin. 

 

Ajansa Nûçeyan a Hawarê (ANHA) bîlançoya êrişên dewleta tirk û komên wê yên paramîlîter ên li dijî herêmê berhev kir. Bîlanço wiha ye:

 

“* Li gorî nûçeya ANHA’yê; dewleta tirk di 8 û 10’ê Kanûna 2024’an de bi balafirên bêmirov êrişî malên welatiyên li gundên Musterîha û Sefyanê kirin. Di êrişê de 20 welatiyên sivîl hatin qetilkirin. 

 

* Kombûna Jinan a Zenûbiya ragihand ku di 8’ê Kanûnê de 3 endamên wan li Minbicê bi destê komên paramîlîter ên dewleta tirk hatine qetilkirin. 

 

* Di 11’ê Kanûnê de li ser Pira Qereqozaqê di encama gulebarana rasterast a komên paramîlîter ên li dijî sivîlan de jineke pîr hate qetilkirin. Di heman rojê de ambulanseke Nexweşxaneya Kobanê hate bombebarankirin û di encamê de ajokar û birîndarekî di ambulansê de jiyana xwe ji dest dan. 

 

* Di encama topbarana artêşa Tirk a li ser gundê Cadê de 2 zarok hatin qetilkirin. Di topbaraneke din de jî ku di 12’ê Kanûnê de pêk hat, dayikek û zarokek hatin qetilkirin.

 

* Di 13’ê Kanûnê de komên paramîlîter ên dewleta Tirk xwediyê xwaringeha El Şehbender a Minbicê qetil kir.

 

* Nûçegihana ANHA’yê Cîhan Bilgîn û rojnamevan Nazim Daştan di 19’ê Kanûnê de li ser rêya di navbera bajarokê Sirînê û Bendava Tişrînê de di êrişa balafireke bêmirov de hatin qetilkirin. 

 

* Di 8’ê Çileyê de dema karwanê gel berê xwe dida Bendava Tişrînê, dewleta Tirk karwan hedef girt û komkujiyek pêk anî. Di encamê d 5 welatî hatin qetilkirin û 15 jî birîndar bûn.

 

* Di êrişên dewleta tirk ên li dijî sivîlên li Bendava Tişrînê nobet digirtin de bi giştî 24 welatî hatin qetilkirin û 221 welatî jî birîndar bûn.

 

* Di 10’ê Çileyê de balafirên şer ên dewleta Tirk li gundê Mesreb ê bajarokê Sirînê maleke welatiyan bombebaran kir. Di encamê de 4 welatî hatin qetilkirin û 4 jî birîndar bûn.

 

* Di 10’ê Çileyê de, Hêzên Ewlekariya Hundirîn ragihand ku di encama êrişa balafireke bêmirov a dewleta Tirk a li dijî gundewarê Dêrikê de 2 sivîl birîndar bûn.

 

* Di 12’yê Çileyê di encama êrişa balafireke bêmirov a dewleta Tirk a li Çiyayê Kezwanan yê bakurê rojavayê Hesekê de welatiyek birîndar bû û rakirin nexweşxaneya Hesekê. Dûre ji ber birîna xwe ya giran jiyana xwe ji dest da.

 

* Dewleta Tirk di 27’ê Çileyê de li gundê El Cemas ê gundewarê bajarê Eyn Îsayê komkujiyek pêk anî. Di di nav de 2 zarok bi giştî 3 kes di êrişê de hatin qetilkirin.

 

* Di 28’ê Çileyê de balafirên bêmirov ên dewleta Tirk li bajarokê Sirînê sûka gel bombebaran kir. Di, êrişê de piranî jê zarok bi giştî 13 sivîl hatin qetilkirin.

 

* Di êrişa 28’ê Çileyê ya li dijî gundê Um Hermelê yê Zirganê yê Kantona Cizîrê de 3 welatî hatin qetilkirin û 9 jî birîndar bûn.

 

* Roja 6’ê Sibatê balafirên bêmirov ên dewleta Tirk çalakvanên li Bendava Tişrînê bombebaran kirin. Di êrişê de 3 kes birîndar bûn.

 

* Di 8’ê Sibatê de balafireke bêmirov a biçek a dewleta Tirk gundê Aşmê Iwêna yê başûrê Kobanê bombebaran kir. Di encamê de 9 sivîl ku piraniya wan zarok bûn, birîndar bûn.

 

* Duh êvarê (8’ê Sibatê) jî dewleta Tirk gundê Xatûniyê yê bakurê rojhilatê bajarê Curniyê yê Kantona Tebqayê bi çekên giran topbaran kir. Di encamê de welatiyê bi navê Mihemed Mûrad şehîd bû.”

 

Li gorî daneyên Desteya Tenduristiyê ya Rêveberiya Xweseriya Demokratîk a Bakur û Rojhilatê Sûriyeyê; di encama êriş û bombebaranên dewleta Tirk ên di nava 2 mehan ên li ser herêmên Bakur û Rojhilatê Sûriyeyê de 82 sivîlan hatin qetilkirin û zêdetirî 250 sivîl jî birîndar bûn.