NAVENDA NÛÇEYAN - Partî û hêzên siyasî yên kurd ên li Bakur û Rojhilatê Sûriyeyê, di çarçoveya xebatên ji bo yekîtiya neteweyî de bi navê ‘Partiyên Yekîtiya Nîştimanî ya Kurd’ ava kirin.
Li Bakur û Rojhilatê Sûriyeyê, 25 partî û rêxistinên siyasî yên kurda li Qamişloyê li hev kom bûn û di çarçoveya xebatên yekîtiya neteweyî de biryarine nû girtin. Di dawiya civînê de ji bo piştgiriya xebatên ji bo yekîtiya neteweyî û ji bo şopandina xebatên der barê yekîtiyê de bi navê "Partiyên Yekîtiya Nîştimanî ya Kurd" siwanek avakirin.
Der barê sîwana hat avakirin de daxuyaniyek hat dayîn. Daxuyanî wiha ye:
"Ji ber rewşa hestyar a ku Sûrîya û herêm bi temamî tê re derbas dibe, ji ber giringîya hevdîtinên di navbera partîyên siyasî û hêzên kurdî de û ji bo biserxistina destpêşxerîya Fermandarê Giştî yê Hêzên Sûrîyaya Demokratîk (QSD) a derbarê yekrêzîya Kurdan û yekkirina helwesta siyasî ya Kurdî li Rojavayê Kurdiatnê de, me partîyên siyasî yên Rêveberîya Xweser a Demokratîk û hin partîyên li derveyî Rêveberîyê di 18.05.2020an de civînek li Qamişloyê lidar xist û ev biryar girtin:
- Li jêr navê "Partiyên Yekîtiya Nîtimanî ya Kurd", em ê xebatên hevbeş bimeşînin û pêşveçûnên heyî yên der barê yekrêzîya Kurdî de bişopînin ku karê şopandinê jî dê bikeve ser milên nûnertîyeke me ya nûavakirî.
- Me logoyek ji bo Partiyên Nîştimanî ya Kurd bijart.
- Wê bi berdewamî civînên nûnerên van Partiyan bên lidarxistin da ku nêrînên cuda yên di derbarê pêşveçûn û bûyerên nû de bên raberkirin û nîqaşkirin."
Partî û saziyên ku di bin sêwana Partiyên Yekîtiya Niştimanî ya Kurd de hatine ba hev wiha ne:
- Partiya Aştîya Demoqrat a Kurdistanê
- Partiya Yekîtiya Demokratîk (PYD)
- Kongreya Star
- Partiya Demoqrat a Kurdî ya Sûrî (P.D.K.S)
- Partiya Kesk a Kurdistanê
- Partiya Çep a Demokrat a Kurd li Sûrîyê
- Partiya Çep a Kurd li Sûriyê
- Partiya Lîberal a Kurdistanê
- Partiya Biratî ya Kurdistanê (PBK)
- Partiya Niştimanî ya Kurdî li Sûriyê
- Partiya Guhertina Demoqrat a Kurdistanê
- Tevgera Nûjen a Kurdistanê-Sûrîya - Partiya Têkoşîna Demokrat
- Partiya Azadî ya Kurdistanî ya Azad
-Partiya Yekîtiya Niştimanî ya Azad-Rojava
- Partiya Komarî ya Kurdistanî-Sûriya
-Tevgera Çaksazîyê-Sûriya
- Partiya Komunîst a Kurdistanê (KKP)
- Partiya Roj a Demokratîk li Sûriyê
-Şepêla Pêşeroj a Kurdistanê - Partî Demuqratî Kurdistanî-Sûrî
- Yekîtiya Karkerên Kurdistanê (YKK)
- Partiya Kombûna Niştimanî ya Kurdistanî
- Partiya Rêkeftina Demokrat a Kurdî li Sûriyê
- Partiya Demuqrat a Kurd li Sûrî (Partî)