Aktivîstên Tevgera Jinên Azad (TJA), dest bi amadekariyên xwe yên çalakiyên di çarçoveya 25’ê Mijdarê Roja Têkoşîna Li Dijî Tundiya Li Ser Jinê yên li navçeya Pirsûs a Rihayê li dar bixin, kirin. Di vê çarçoveyê de, bi tevlîbûna parlamenterên Partiya Demokratîk a Gelan (HDP) Ayşe Surucu, Remziya Tosûn û Hevşaredarê Pirsûsê Hatîce Çevîk li ber Rêxistina HDP’ê ya Pirsûsê daxuyanî hat dayîn. 

 

Wekîla HDP’ê Ayşe Surucu, di daxuyaniyê de axivî û wiha got: “Emê ji 7’ê Mijdarê heya 25’ê Mijdarê li qadan bin. Emê li dijî komkujiyên jinan, tacîz, tecawîz, tundî û êrîşên li ser jinan dengê xwe bilind bikin. Wê têkoşîna me her tim dewam bike.”

 

Jinan dûre, di çarçoveya çalakiyên 25’ê Mijdarê de, esnafên navçeyê ziyaret kirin û broşurên têkildarî kampanyeya “Em xwe diparêzin” a TJA’yê belav kirin.