STENBOL/MÊRDÎN - Hevserokên DEM Partiyê yên Esenyûrtê Rojda Yilmaz û Abdullah Arina hatin binçavkirin. Li Mêrdînê jî di serdegirtinên malan de 7 kes hatin binçavkirin. 

 

Li Stenbolê polîsan bi ser gelek malan de girtin. Di serdegirtinên malan Hevserokên Rêxistina Partiya Wekhevî û Demokrasiyê ya Gelan (DEM Partî) a Esenyûrtê Rojda Yilmaz û Abdullah Arîna jî di nav de gelek kes hatin binçavkirin. 

 

Sedemê binçavkirina wan nehate zanîn. 

 

MÊRDÎN

 

Li navçeya Şemrex a Mêrdînê di saetên serê sibê de bi ser gelek navnîşanan de hate girtin. Di serdegirtinên malan ên leşker û polîsan de herî kêm 7 kes hatin binçavkirin. Kesên hatine binçavkirin birin Midûriyeta Polîsan a Mêrdînê. 

 

Navên hin kesên hatine binçavkirin wiha ne: Mahmût Demîr, Abdullah Demîr û Şenol Şan. Hate zanîn ku 7 kesên hatine binçavkirin bi “propagandaya rêxistinê” tên sûcdarkirin.