* Ji Hêzên Ked, Aştî û Demokrasiyê Gîzem Kuzuk ji bo çalakiya girseyî ya 1'ê Îlonê Roja Aştiyê ya Cîhanê ku wê li Kadikoyê bê lidarxistin banga tevlîbûnê kir û got ku ew ê li dijî polîtîkayên şer û tecrîdê aştiyê biqîrin. 

 

* Ji OHD'ê Mehmet Altûntaş diyar kir ku bêhiqûqiya li Îmraliyê ji ber binpêkirina qanûnan e û gef li her kesî dixwe û got ku ger qanûn neyên pêkanîn wê tu kes xwe ewle hîs neke. 

 

* Dayika Sema Yuceyê Zennûre Yuce ji bo 1'ê Îlonê Roja Aştiyê ya Cîhanê got: "Min soz da Semayê, heta ku hebim ez ê ji bo aştiyê bitêkoşim." 

 

* Psîkologê Klînîkê Firat Kolyigît diyar kir ku bûyerên tundiyê yên di nava civakê de zêde dibin sûdê ji polîtîkayên desthilatê digirin û got ku çareserî wê ne bi terapiyên takekesî, bi edaleta civakî pêk bê. 

 

* Girtîyê 30 salan Bekîr Yollû ê di Girtîgeha Kirşehîrê de tê ragirtin, tevî înfaza xwe temam kiriye jî, berdana wî caran duyem bi hinceta “xweşhalî nîn e” hate astengkirin. 

 

* Kekê Nazim Babaoglû, Cemal Babaoglû diyar kir ku “Roja Kesên bi Darê Zorê Hatine Windakirin a Navnetewî” bi têkoşînê pêşwazî kirin û anî ziman ku daxwazên wan ên bûyerên di tariyê de bên ronîkirin û pêkanîna hiqûqê ya jidil a ji aliyê dewletê ve nehatin bicihanîn. 

 

* Endamê Komîsyona Çandiniyê ya DEM Partiyê Sînan Çîftyurek û rêveberên partiyê, dê têkildarî polîtîkayên çandiniyê yên desthilatê û çalakiyên cotkaran dê li Rêxistina DEM Partiyê ya Amedê civîna çapemeniyê li dar bixin. (11.00) 

 

* Şaxa ÎHD’a Enqereyê dê “Rapora Binpêkirinên Mafan a 6 Mehan a Nexweşxaneyên Herêma Anatoliya Navîn” bi civîna çapemeniyê ya li avahiya xwe li dar bixe aşkere bike. (11.00) 

 

* Platforma Ked û Demokrasiyê ya Amedê dê têkildarî meşa di 1’ê Îlonê Roja Aştiyê ya Cîhanê de bê lidarxistin li Şaxa Egîtîm Senê ya Hejmara 1’an a Amedê civîna çapemeniyê li dar bixe. (12.00) 

 

* Çalakiya nobetê ya li Qada Şîşhaneyê ya Beyoglûyê li dijî tayînkirina qeyûm a li Qada Şîşhaneyê ya Beyoglûyê hatiye destpêkirin dê berdewam bike. (20.00-22.00)