Leşkeran di 17'ê Îlon, 18'ê Îlon û 1'ê Cotmehê de 2 caran avêtin ser malên endamên malbata Tekîn ên li gundê Hespîst ê navçeya Hezex a Şirnexê. Di 17'ê Îlonê de di serdegirtina malan de Halîl Tekîn û Abdûrrahîm Tekîn hatibûn binçavkirin. Paşê her 2 kes bi îdiaya "endamtiya rêxistina terorê" hatin girtin.

 

Di serdegirtina malan a 1'ê Cotmehê de hevjînên hev Murat (65) û Hasîbe (62) Tekîn, Mehmet Emîn Tekîn û hevjîna Halîl Tekîn Sadiye Tekîn ên di 17'ê Îlonê de di serdegirtina malê de hatibûn binçavkirin hatibûn binçavkirin. Murat Tekîn hat girtin û Hasîbe Tekîn jî bi şertê kontrola edlî hat berdan. Lê li ser îtiraza dozgeriyê Hasîbe Çetîn dîsa hat binçavkirin û girtin.

 

Di 18'ê Îlonê de zarokên Murat-Hasîbe Tekîn Esma, Fatma û Sadiye Tekîn ên ku wekî karkerên demsalî çûbûn Duzceyê hatibûn binçavkirin. Ji xwişk û birayan Fatma Tekîn hat girtin, Esma û Sadiye jî hatin berdan. Fatma Tekîn a ku hat girtin şandin Girtîgeha Tîpa T a Duzceyê.

 

‘ZILM E’

 

Birayê Hasîbe Tekîn ê girtî Mehmet Tekîn (68) bertek nîşanî serdegirtinên malbata xwe da. Tekîn got: "Xwişka min Hasîbe û hevjînê wê Mûrat her du jî pir kal in û pirsgirêkên wan ên tenduristiyê yên giran hene. Bi her duyan re jî nexweşîna şekir û tansiyona zêde heye. Bi Mûrat re nexweşiya mîdeyê heye. Ya hat kirin zilm e."