Bi êrişa Heyet Tehrîr El-Şamê ya ji bo rûxandina rejîmê re Tirkiyeyê û Artêşa Netewî ya Sûriyeyê (ANS) ya girêdayî wê jî li hemberî Bakur û Rojhilatê Sûriyeyê dest bi êrişan kirin. Bertekên li hemberî van êrişan didomin. Hevserokê Partiya Wekhevî û Demokrasiyê ya Gelan (DEM Partî) yê Stenbolê Mûrat Kalmaz, endama Desteya Rêveber a Platforma Piştevaniya Sosyalîst (SODAP) Fatma Înce û Berdevkê Demî yê Federasyona Meclisên Sosyalîst (SMF) Mahîr Gurz êrişên tên kirin nirxandin.

 

Hevserokê DEM Partiyê yê Stenbolê Kalmaz diyar kir ku li Bakur û Rojhilatê Sûriyeyê bi paradîgmaya "Neteweya Demokratîk" a Rêberê PKK'ê Abdullah Ocalan jiyaneke nû hatiye avakirin û Tirkiye dixwaze vê pergalê tune bike. Kalmaz anî ziman ku Tirkiye û komên girêdayî wê li Bakur û Rojhilatê Sûriyeyê li dijî sivîlan komkujî pêk anîne û got: "Li Sûriyeyê rejîm hilweşiya. Di dema ku li bendê bû pêvajoyeke ku mirov nemirin dets pê bike, balafirên bêmirov ên tirk ambûlansek bombebar kirin û 2 zarok qetil kirin. Çete ber bi herêmên ku kurd lê kom bûn çûm û îşkence li kurdan kirin. Tirkiye hewl dide bi êrişên li ser kurdan li Sûriyeyê pirsgirêkê çareser bike û bi "nêzîkatiya ez ê çawa destkeftiyên kurdan berteref bikim' tevdigere. Pêwîste dewleta tirk demildest dest ji vê yekê berde."

 

'WÊ TIRKIYEYÊ PAŞ VE BIBE'

 

Kalmaz, diyar kir ku desthilatdariya AKP-MHP'ê siyaseta durûtiyê dimeşîne û got: "Em bi nêrîna li Rojavayê nêzîkatiya Tirkiyeyê ya li hemberî kurdan dibînin. Ev gel çawa Kobanê parast, Rojavayê jî diparêze. Yekane gelê ku barbariya DAIŞ'ê li Rojhilata Navînê ji holê rakir, gelê kurd e. Ji ber vê yekê hêzên neteweyî di her warî de deyndarê kurdan in, eger Tirkiye aştiya bi kurdan re biaxwaze û li Rojhilata Navîn dixwaze bibe aktor, rêya vê yekê bi kurdan re ye. Siyaseta li ser esasê muxalefetê wê hem Rojhilata Navîn hem jî Tirkiyeyê bi awayekî cidî paşve bixe û pirsgirêkên mezin bi xwe re bîne."

 

Kalmaz destnîşan kir ku divê tu kes li hemberî van êrişan bêdeng nemîne û got ku DEM Partî li dijî êirşan di nava seferberiyê de ye. 

 

'EM XURTKIRINA ŞOREŞA ROJAVAYÊ DIXWAZIN'

 

Endama Desteya Rêveber a SODAP'ê Fatma Înceyê bal kişand ser bandora DYA-Îsraîl a li ser geşedanên li Sûriyeyê û got: "Eşkere ye ku di nava xwe de plan çêkirine û ev pêvajo di nava amadekariyê de pêk anîne. Dixwazin li Sûriyeyê civakeke ne demokratîk, ne wekhevî û hiyerarşîk ava bikin. Di vê mijarê de dewleta tirk jî gelekî aktîf e, ji ber ku tiştên li wir diqewimin rasterast bandorê li geşedanên li vir dike. Di hilbijartinên herêmê de desthilatdarî ji dest da. Ew jî pêşketinên li Sûriyeyê bi kar tîne da ku serweriya xwe tahkîm û konsolîde bike. Bi nimêja li Mizgefta Emewiyê dixwaze serweriya xw eya moralê bide nîşandan."

 

Fatma Înceyê da zanîn ku divê pergala ku li Bakur û Rojhilatê Sûriyeyê tê meşandin bê parastin û wiha dewam kir: "Gelê kurd li Sûriyeyê jiyaneke wekhev, azad û demokratîk ava dike. Ev xwedî paşxane û kevneşopiyeke dîrokî ye. Êrîşeke mezin li hemberî vê yekê tê kirin. Tirkiye û çeteyên wê ji aloziya Sûriyeyê sûdê werdigirin û êrişî kurdan dikin. Li ser vê yekê em wekî sosyalîst dixwazin piştgiriya xwe ya ji bo xurtkirina şoreşa Rojavayê, şoreşa dîrokî tînin ziman. Em baweriya xwe bi zanyariyên wê tînin. Pêwîst e em jiyana ku gelê kurd li Sûriyeyê pêk tîne, biparêzin û hembêzxwedî lê derkevin." 

 

'ALTERNATÎF ROJAVA YE'

 

Berdevkê Demê yê SMF'ê Mahîr Gurz jî diyar kir ku pêkhateyên dijminê demokrasiyê nikarin civakê azad bikin. 

 

Gurz bal kişand ku li Sûriyeyê hebûna dewletên emperyalîst ne rewa ye û wiha got: "Em helwesta hêzên paşverû yên herêmê rewa nabînin û ne jî wekî alternatîfekê dibînin. Alternatîf Rojava ye. Cihê şoreşgeriyê ye. Kedkar, netewên bindest û hemû bawerî dikarin bi awayekî biratî û azad bi hev re bijîn û biryarên xwe bi xwe bidin. Divê em ji bo avakirina Sûriyeke demokratîk û Rojhilata Navîn bibin xwedî helwest. Divê hêzên sosyalîst û şoreşge rên li Tirkiyeyê li dijî dagirkerî û paşverûtiyê xwedî helwesteke zelal bin."