NAVENDA NÛÇEYAN - Konferansa bi sernavê “Bi ciwanên rêxistinbûyî ber bi azadiya Rêbertî ve” ku dê azadiya fîzîkî ya Rêberê PKK’ê Abdullah Ocalan tê de bê nîqaşkirin dê di 3’yê îlonê de li bajarê Dortmundê bê lidarxistin.
Ciwanên Kurdistanî û Enternasyonalîst dê bi dirûşma “Bi ciwanên rêxistinbûyî ber bi azadiya Rêbertî ve” di 3’yê îlonê de li bajarê Dortmund ê Almanyayê konferansekê li dar bixin. Di konferansê de dê ji bo azadiya fîzîkî ya Rêberê PKK’ê Abdullah Ocalan erk û berpirsyariya ciwanan bên nîqaşkirin. Hat zanîn ku dê paradîgmaya demokratîk, ekolojîk û azadîparêziya jinê di konferansê de were nirxandin.
Tê payin ku ji Fransa, Almanya, Swîsre, Awusturya, Ingilistan û gelek welatên din ên Ewropayê bi sedan ciwan tev li konferansê bibin.
BANGATEVLIBÛNÊ
Komîteya Amadekar a Konferansê têkildarî mijarê daxuyaniyek da. Di daxuyaniyê de hat bibîrxistin ku 30 meh in agahî ji Rêberê PKK’ê Abdullah Ocalan nayên girtin û ji bo tevlibûna konferansê bang hate kirin. Bi domdarî wiha hate gotin: “Em bang li ciwanên kurdistanî, enternasyonalîst, çep, şoreşger, sosyalîst û demokrat ên li Ewropayê dikin ku di 3’yê îlonê de beşdarî konferansa me bibin ku wê bi dirûşma ‘Bi ciwantiya rêxistinbûyî ber bi azadiya Rêbertî ve’ li bajarê Dortmund ê Almanyayê bê lidarxistin.”