Esnafê Îdirê diyar kirin ku ew ji ber rewşa xirab a aboriyê nikarin kirêya dikanên xwe bidin û gotin: "Krîza niha em têde dijîn, ji krîza serdema Bulent Ecevît jî girantir e. Em hatin asta daxistina derebeyên xwe bigirin."
Çalakiya 132 karkerên Fîrmaya Kozmetîk a Flormarê yên bûn endamê sendîkayê û ji kar hatin derxistin di roja 79’emîn de didome. Karkeran diyar kir ku her kes dengê wan dibîhîze û gotin: “Tenê desthilatdarî dengê me nabihîze.”
Parlamenterê HDP’ê yê Amedê Garo Paylan ku bi nasnameya xwe ya aborînasiyê tê zanîn diyar kir ku rewşa Tirkiyê ya aboriyê rewşa krîzê ye û got: "Îhtîmal mezin e IMF deyn nede Tirkiyeyê. Heke rewş were asteke wisa dê xetereya mezin dest pê bike."
Ji Cejna Qurbanê re 3 hefte man û êdî dema ku heywanê qurbanê bên firotin e. Lê li gel cejn nêz dibe jî Bazara Heywanan a Wanê bêdeng e û kes naçe li bihayê qurbanan jî nanêre û napirse.
Li kesên ku îxrackirina xebatkarên Şaredariya Kayapinarê şermezar kirin di çarçova OHAL'ê de li gorî xala 25/b-1’emîn di berdêla 30 rojan de 914 TL cezayê pere hat birîn.
ÎSÎG rapora cînayeta kar a du salên OHAL’ê aşkere kir. Di raporê de hat diyarkirin ku cînayetên kar di serdema OHAL’ê de ji sedî 14 zêde bûye û di du salên dawî de herî kêm 3 hezarû 960 karker jiyana xwe ji dest dane.
Karkerên li Enqerê Nexweşxaneya Etlîk Şehîr çêdikin polîs wan du roj ser hev di lêpirsîna GBT’ê re derbas kirin. Polîsên karkeran di lêpirsîna GBT’ê re derbas kirin ji karkeran re gotin “Lêpirsîna GBT’ê li yekserên Tirkiyê dest pê kiriye” û heta nava odeyên karkeran çûn û lêgerîn pêk anîn.
Karkerên Fabrîkeya Dîlokê yên Ambalaja Superpak, karkerên fabrikeya Karman û şîrketa Îzmîrê bi hevre bi daxwaza mûçeyên wan bên zêdekirin 37 rojin di greva birçûbûnê dene. Ji karkeran Fatîh Anlar, diyar kir ku bi greva destpêkirin re, fêrî yekîtiya bi hevre bijîn jî bûn.
Cotkarên tirî yên Manîsayê bertek nîşanî butçeya ji bo şer tê razandin dan û gotin “Em di bin deyn de mane. Şer bandora xwe li ser me dike. Bila êdî ji vê pergalê re bêjin rawest e.”
HDP dawiya hefteyê bi armanca nexşerêya xwe ya dema nû diyar bike li hev kom dibe. Dê HDP bi vê civînê hewl bide ku xwe ji hilbijartina heremî ya muhtemel re amade bike.
Bondora krîza aborî ya li Tirkiyeyê tê jiyîn, her roja derbas dibe mezintir dibe. Welatî û dikandarên Amedê, êdî kar nakin û ji krîza heyî herî zêde welatiyan xizan bi bandor dibin.
Serokê Şaxa Dev Turîzm-Îş’ê ya Antalyayê Mustafa Safvet Yahyaoglu bal kişand ser pirsgirêkên milyonek û 700 karkerên bêsîgorta û bêqeyd di sektora turîzmê de dixebitin û her çiqas ev karkerên di vê sektorê de dixebitin jî sîgortayên wan bên çêkirin jî lêdê ji Yasaya Sîgorta ya Bêkariyê sûd wernegirin.
Malbata Karabaş di bin kelekela rojê de îsotên tuj bi ben ve dikin û hişk dikin. Malbatê, diyar kir ku ew zirareke mezin ji bihabûn û zama tê kirin dibînin û gotin: "Lê piştî ku em dolmê hişk kirî dixwin û çêja wan dikeve devê me, zirarê ji bîr dikin. Em keda destê xwe ji çêja dolman distîn in.”
Cotkarên Pirsûsê ji ber kêmbûna avê û fatûrayên ji wan re tên nivîsandin li ber DSÎ’yê çalakiya protestoyê li dar xistin.
Karkerê înşaetê Mustafa Karakuyu piştî qezaya kar derbas bike xwest gilî bike, lê karsazan jêre gotin 'Çi pêwîst be ewê bikin' û ew asteng kirin. Lê berî ku Karakuyu baş bibe û bêdarmankirin, karsazan ew dan xebitandin. Ji ber vê yekê Karakuyu niha xeteriya divê bê emeliyat kirin dijî.