Yek ji berhemên dîrokî yê Wanê jî Pira Şeytan a li ser Robarê Bendî Mahî ye. Her çend qedexe be jî, wesayîtên bargiran di ser pirê de diçin û ev yek dibe sedema rewşên talûke.
Dêra dîrokî ya Saînt Stefanos a li navçeya Bêgirê ya Wanê ji aliyê kesên li xezîneyan digerin ve tê talankirin. Hem dîwarên dêrê hilweşiyan e û hem jî li hundirê dêrê çalên kûr vebûne.
Serdema duyemîn a "Şanoya Cînarê Min” di 16’ê Nîsanê de dest pê dike. Perwerdekarê atolyeyê Derhêner Nevzat Sus bal kişand ser çewisandinên şanoyê û got: “Eger em inyad nekir, em ê mirovatiya xwe winda bikin.”
Mehmet Ozguzê ku dîmenê kûçikê ku li ber serê kûçikekî mirî sekinîbû û digiriya tesîr lê kir, piştî vê bûyerê meraqa wî ya ji bo wêneyan çê bû û bi saya vê yekê nêrîna wî ya li cîhanê guherî.
Şanoya Mencel bernameya xwe ya meha nîsanê aşkere kir. Yek jê lîstika zarokan dê di vê mehê de 3 lîstik bên pêşandan. Lîstika “Derwêşê Evdî” jî dê ji bajarê Urmiyê bê Wanê û bibe mêvanê waniyan.
100 jinên bi armanca bertek nîşanî fermana Serokatiya TBMM ê nehişt hunermendên şanoya jin derbikevin ser dikê, di Şanoya Kenter de derketin ser dikê û gotin: “Em li her derêne, li ser dikêne, oxx ji we re.”
Helbestkar Ulku Tamer ê ji nexweşîna penceşêra pişikê dihat dermankirin di 81 saliya xwe de çû ser dilovaniya xwe.
Hunermend Mizgîn bi navê “Lorîn” albumek nû derxist. Mizgîn di albuma nu de helbesta "Bihar" a Helbestvan Hafizê Şîrazî kiriye awaz û stran. Berhemên hunermendên kurd Mihemed Şexo û Abdulwahit Zaxoyî bi awazekî cuda pêşkêş dike.
Ên di hilbijartina helbestan a ji bo bîranîna wêjevanê kurd Arjen Arî pêk hat de qezenc kirin diyar bûn. Xelata helbestan helbestkarê Emerîkê Sîdîqayî girt. Xelata rûmetê jî dan TTB’ê.
Hunermend û derhênerê sînemayê Yilmaz Guney ku bi fikr, sekn û hunera xwe di sînemaya cîhanê de rûpelek nû vekir, di hemû fîlmên xwe de rastiya civakê û jiyanê bi cîhanê re parve kir. Guney bi gotina “Êş, zext, xwîn û hêsir ne qedera gelê kurd e. Em dê deqez bi ser bikevin" her dem di dil û meşiyê gelê kurd de hevî û baweriyê ava dike.
Mezopotamya Sahne, bernama xwe ya Nîsanê eşkere kir. Reqsa “4 Derî 40 Meqam” dê derkeve ser dikê.
Derhênerê belgesela “Dîroka mirina avê” ku behsa têkoşîna ji bo Heskîfê hat dayîn dike Alî Ergul, diyar kir ku her çalakî û şahiyek bê li darxistin dê wan hin bêtir gavekê nêzî rizgariya Heskîf û Sûrê bike.
Weşanxaneya Wardozê ya ku pirtûkên folklora kurdan çap dike, 4 berhemên Celîlê Celîl û Ordîxanê Celîl ji nû ve çap kir. Ji edîtorê weşanxaneyê Bahoz Baran got ku ew ji bo folklora kurdan xizmetê dikin û folklora kurdan wek behrek bêbinî pênase kir û ew ê di nav behrê de xebatên folklorê bikin.
Şanoya Bajêr a Amedê, bernameya xwe ya meha Nîsanê daxuyand. Her wiha wê Şanoya Bajêr vê mehê lîstika zarokan “Keçelok” jî bide lîstandin.
Koverek li weşangeriya kurdî zêde bû. Li gel astengiyên li pêş weşangerî û zimanê kurdî jî Kovara Dilop roja Newrozê dest bi weşana xwe kir. Reşo Ronahî yê nûnerê Kovara Dilop ê Amedê diyar kir ku ew ji bo wêje û çanda kurd dewlemendir bikin dest bi weşanê kirine û got: “Em jî dixwazin li deryaya weşangeriya kurdî bibin dilopek.”