Parlamantera Baskê Oihana Etxebarrieta, diyar kir ku Parlamentoya Baskê amadekariyên naskirina Rêveberiya Xweser dike û ev tişt got: "Divê di zûtirîn demê de Rêveberiya Xweser bi awayekî sazûmanî were naskirin da ku çeteyên DAIŞ’ê di dadgeheke navneteweyî de bên darizandin."
Wezîrê Karên Derve yê Rûsyayê Sergey Lavrov têkildarî mijara Ukraynayê wiha got: “Heke ku ev mijar girêdayî me be, şer dernakeve. Em şer naxwazin.”
Li gorî medya Iraqê ku xwe dispêre çavkaniyeke ewlekariyê serê sibehê êrişeke berfireh a bi mûşekan li dijî balafirxaneya navnetewî ya li Bexdayê pêk hatiye.
Serokê Amerîkayê Joe Biden, diyar kir ku heke Ûkrayna bê dagirkirin wê rast e rast danekirinan deyne ser Serokdewletê Rûsyayê Vlademîr Pûtîn.
Serokkomarê Ermenistanê Armen Sarkisyan, ragihand ku îstîfa kiriye.
Li bajarê Selahaddîn ê Iraqê êrişî balafirgeha eskerî ya Baladê hat kirin.
Zanyarê siyasetê yê rûs Konstantîn Kalaçev, angaşt kir ku serokkomarê Qazaxîstanê yê berê Nûrsûltan Nazarbayev an miriye an jî di komayê de ye.
Serokê Parlamentoya Ewropayê Davîd Sassolî ku li nexweşxaneya ku lê têdawî didît jiyana xwe ji dest da.
Pakistan, peymana helîkopterên ATAK'ê ya di sala 2018'an de bi Tirkiyeyê re îmze kiribû ya bi 1.5 milyar dolarî betal kir.
Li Kazakistanê, ji ber xwepêşandanên li dijî zemkirina bihayê LPG'ê hikûmetê îstifa kir.
Siyasetmedarê danîmarkî Pernille Frahm, xwest ku PKK nin, ji "lîsteya terorê" ya li gorî berjewendiyên rojava hatiye amadekirin bê derxistin.
Nûnerê Taybet ê Amerîkayê yê berê yê Sûriyeyê James Jeffrey, diyar kir ku komên girêdayî Tirkiyeyê li Girê Spî û Serêkaniyê sûcê şer kirine.
Rojnamevanê îsraîlî Jonathan Spyer, ji bo zelalkirina meseleya çekên kîmyewî yên li Metîna, Avaşîn û Zapê hatine bikaranîn bang dike. Destnîşan dike ku meqamên fermî vê meseleyê bincil dikin.
Malbatên 9 koçberên Rojhilatê Kurdistanê ku Tirkiyê wan radestî çeteyên El Nusra kirine, li ber derê balyozxaneya Tirkiyê ya li Tahranê kombûn û daxwaza aqûbeta zarokên xwe kirin.
Sermetranê ji Afrîkaya Başûr Desmond Tûtû ku di têkoşîna têkbirina pergala Apartheîdê de roleke girîng leyîstibû jiyana xwe ji dest da.