RIHA - Malbata Şenyaşar a ku têkoşîna edaletê didomîne got: “Em ê dest ji daxwaza edaletê bernedin.”
Malbata Şenyaşar (Emîne Şenyaşar û lawê xwe Ferît) di roja 177’emîn de li ber Edliyeya Rihayê çalakiya “Nobeta Edaletê” berdewam dike. Malbat wek her sibehê vê sibehê jî hat li şûna her roj lê rûdinê û dest bi çalakiya xwe kir. Malbatê li ser hesabê xwe yê Twitterê ji bo serdana şandeya ÎHD’ê spasî kir û wiha got: “Serokên şaxên ÎHD’ê ji bo piştevanî û hiqûqê her tim li cem me ne. Em ê di çarçoveya hiqûqê de dest ji daxwaza xwe ya edaletê bernedin.”