* Di ser qetilkirina rojnamevan Kadrî Bagdû re 7 sal derbas bûn. Derbarê dosyeya lêpirsînê de "biryara daîmî" hat dayîn. Malbata Bagdû, diyar kirin ku dê dev ji vê dozê bernedin û xwest kiryar bên darizandin. 

 

* Parêzvanên mafên mirovan anîn ziman ku tecrîda li Îmraliyê sûcekî qanûna bingehîn e û bang li saziyên navneteweyî kirin ku di vî warî de tevbigerin. 

 

* Alî Osman Koseyê 38 sal in girtiye û pençeşêr lê peyda bûye, nayê dermankirin. Malbatê xwest, kose bê berdan. 

 

* Esnaf û welatiyên Çewligê ku krîza aborî bandorek mezin li wan kiriye, anîn ziman ku heya ev îqtidar neçe dê tu tişt sererast nebe.

 

* Endamê Meclîsa Ciwanan a HDP'a Şirnexê Delîl Urek, anî ziman ku di çarçoveya kampanyaya "Em xwe ji tiryakê rizgar bikin, jiyanek nû ava bikin" de li seranserê bajêr pêwendî bi 15 hezar kesî re danîne û got: "Heya em li herêmê tiryak û fuhûşê neqedînin, em ê li kuçeyan bin." 

 

* Li gundên herêma Xisorê jinan piştî erzaq û zexîreyên zivistanê, niha jî ji bo çêkirina lihêf û doşekan zend û bend badane. 

 

* Parlementerê CHP û Endamê Komîsyona Edaletê ya Meclîsê Tûran Aydogan, diyar kir ku polîtîkayên "ewlehîparêz" ên îqtidara AKP'ê li girtîgehan bûne sedema dramekê û got: "Îqtidar ji bo van binpêkirinên mafan xwe li ker û lalîtiyê daniye." 

 

* Hunermendan, bertek nîşanî daxuyaniyên Tamer Karadaglî ku bi gotinên neteweperest Nîhal Yalçin hedef nîşan da bû, dan û gotin: “Ev helwesta Karadagli, êrişa li dijî jin, siyaset û nasnameya Kurd e.”

 

* Malbata Şenyaşar wê çalakiya xwe ya Nobeta Edaletê di roja 219'emîn de dewam bike. 

 

* Şaxa ÎHD'ê ya Stenbolê, wê derbarê penaberekî ku ji aliyê cîranên xwe ve rastî êrişê hat de, daxuyaniyê bide çapemeniyê. (13.00)

 

* Platforma Zimanê Kurdî, wê li avahiya Şaxa Genel Îş a Êlihê, avakirina şaxa xwe ya Êlihê eşkere bike. (13.00)