ENQERE – Hevserokê Giştî yê HDP’ê Mîthat Sancar diyar kir ku ew ê bi civîna Meclîsa Partiyê plansaziya serdema nû çêbikin û got: “Me pêkanîna aştiyê ji civak û tabanê daniye pêşiya xwe û viya armanca me ye.” 

 

Meclîsa Partiyê (PM) ya Partiya Demorkatîk a Gelan (HDP) bi serokatiya Hevserokên Giştî yên HDP’ê Pervîn Bûldan û Mîthat Sancar civiya. Li otelek civîn hat lidarxistin û wê di civînê de geşedanên siyasî, êrişên li ser HDP’ê û plansaziya serdema nû dê were çêkirin. Hevserok Mîthat Sancar di destpêka civînê de axivî. 

 

 

DEKLARASYON WÊ BIKEVE MERIYETÊ 

 

Sancar destnîşan kir ku wan deklrasyona banga ji bo demokrasiyê bi raya giştî parve kirine û vê deklarasyona wan di heman demê de nexşerêya wan diyar dike û wê deklarasyona xwe bixin meriyete. Sancar anî ziman ku ew li meydanan in û di nava gelê xwe de ne û wan armanc û tiştên wê bikin bi gelên Tirkiyê re parve kirine û dikin. 

 

‘EM Ê AŞTIYÊ JI TABANÊ AVA BIKIN’ 

 

Sancar anî ziman ku armancên wan zelal in û got: “Divê em bibêjin ku em partiyeke ku van armancan bi eşkere bi gelên Tirkiyeyê re parve dike. Me bi awayekî vekirî ji raya giştî re axivî. Me xeta sereke ya rêya xwe ji raya giştî re eşkere kiriye. Em difikirin ku me dawî li spekulasyonên li dijî me anî. Em kêfxweş in ku ev deklerasyon ji aliyê beşeke girîng a civaka Tirkiyeyê ve bi erênî hat pêşwazîkirin. Li Tirkiyeyê rê li ber demokrasiyê vedike, li Tirkiyeyê zemîna avakirina aştiyê û avakirina hemwelatiya wekhev ava dike. Armanca me ev e. Ji bo vê jî têkoşîna aştiyê ji bo me mijara herî jiyanî ye. Me ji xwe re kiriye armanc ku ji binî ve, ji civakê re aştiyê ava bikin. Em ê armancên aştiyê, armanca aştiyê û pîvanên aştiyê bi civakê re ava bikin. Ti niyeta me nîne ku em partiyên siyasî li ser desthilatdariyê bihêlin. Aştiyeke ji binî ve tê organîzekirin wê bibe temînata jiyana hevpar a wekhev.”

 

HDP AKTORÊ SIYASETA TIRKIYÊ YE 

 

Sancar da zanîn ku Tirkiye di dîroka xwe de serdema herî giran a bêhiqûqiyê derbas kiriye û wiha dewam kir: “Em dibêjin Tirkiye di nava krîzeke piralî de ye û em weke HDP’ê ji vê krîzê re bernameya herî berfireh a çareseriyê pêşkêş dikin. HDP siyasetê hildiberîne. HDP ji bo îdiaya xwe ya ku weke aktorê damezrîner ê siyaseta Tirkiyeyê ye bi cih bîne û bi hemû hêza xwe pêdiviyên xwe pêk bîne. Yên ku vê rastiyê paşguh dikin û vê rastiyê naxin nav nîqaşê, wisa difikirin ku xwe wek masiyên mirî didin der, lê rastî dê wan bixapîne. Ji ber ku em dizanin ku ev deng wê di nava gelan de jî bi heman rengî be û ev deng wê li Tirkiyeyê hevpariya herî berfireh a têkoşîna demokratîk ava bike.” 

 

SERDEMA HERÎ BÊHIQÛQÎ YA TIRKIYÊ 

 

Sancar bal kişand ser bêhiqûqî û bêddaletiyê û wiha got: “Dibe ku Tirkiye di dîroka xwe de serdema herî giran a bêhiqûqiyê dijî. Desthilatdarî di rêgezek wekî qanûnê de bi tevahî betal bike. Heya nuha, bi kêmanî xuya ye ku ew li ser guhdana qanûnê nîgeran bûn. Bi gotineke din, her çendî şert û mercên qanûnê pêk neanîn jî, bi kêmanî hewl dan ku hincetên vê yekê derxin holê. Lê belê sînorê wê heye ku hêzeke bi vî rengî ya zalim ku li ser îstîsmar, talan û zilmê hatiye avakirin, hiqûqê jî ji bo xwe nîşan dide. Niha ew sînor hatiye, li pêşberî civaka Tirkiyeyê radiweste. Çawa ku ew hewcedariya ravekirina ti neheqiyekê jî nabînin, kesên ku di rêveberiya giştî de dixebitin dikarin kiryarek bêaqil bikin da ku wan teşwîq bikin ku neqanûnî tevbigerin. Wezîrê ku ji ewlekariya navxweyî berpirsyare dikare vê yekê bi awayekî zelal bibêje.” 

 

DAWIYA WAN TÊ 

 

Sancar destnîşan kir ku îqtidar û şirîkê xwe yê biçûk bi hêrsa nava dilê xwe hereket dikin û wê ev hêrs dawiya bîne. Sancar bal kişand ser Doza Kobanê û doza vekirina girtina HDP’ê û got: “Dadgeh dixwaze hevalên me di hefteyek de parastina bi hezaran rûpel îdianameyê bikin. Ji me ditirsin. Çimkî dizanin ku wê HDP’ê dawiya wan bîne. Îqtidar û şirîkê xwe yê biçûk pir eşkere fermanê didin darazê. Ne ev mîzansênên li salonên dadgehê, ne operasyonên din ên çewisandinê yên îqtidarê, ne jî êrişên din nikarin HDP'ê ji rêya wê dûr bixin. Di rastiyê de îqtidar bi eşkereyî radigihîne ku ew ê bi bûyerên wiha bike mijara jiyan û mirinê û bi vî awayî eşkere wê winda bike.” 

 

BILA ÇAVÊ WE LI SER HDP’Ê BE

 

Sancar di dawiya axaftina xwe de destnîşanî girîngiya têkoşînek hevpar kir û got: “Têkoşînek hevpar a demokratîk wê Tirkiyê rizgar bike. Em carek din bangî hemû gelan dikin. Bila di vê serdema tarî, pergala riziyayî û bêhn jî tê bila çavê we û çavê me li ser HDP’ê be. Çimkî HDP heqîqet e. Wê nikaribin bi êriş, qedexe û çewisandinê û binçavkirinan hêza me û têkoşîna me têk bibin.”