Hevserokê Kongreya Civaka Demokratîk (KCD) Berdan Ozturk û Hevseroka Partiya Herêmên Demokratîk (DBP) Keskîn Bayindir beşdarî civîna gel a ku li Rêxistina Partiya Demokratîk a Gelan (HDP) ya Sêrtê di çarçoveya kampanyaya "Dema Azadiyê" de hat lidarxistin, bûn. Di civînê de gelek kes amade bûn û pankartên "Tecrîd sûcê mirovahiyê ye, tecrîdê bi dawî bikin, ji bo jiyanê edalet " û "Em ê tecrîdê bişkînin, yekîtiya neteweyî pêk bînin" hatin daliqandin.

 

DÎROKEK TIJE BERXWEDAN 

 

Hevserokê Giştî ya DBP'ê Keskîn Bayindir diyar kir ku zextên desthilatdariya AKP-MHP'ê yên li ser civakê her ku diçe zêde dibin û got: “Li hemberî êrişên piralî rastiya gel a li ber xwe dide heye. Dema em li pêvajoya têkoşîna 40 salan dinêrin, em dîrokeke tije berxwedan dibînin. Kurd di rojeva cîhanê de ne. Bi dîtina vê yekê hêzên emperyalîst bi Tirkiyeyê re hevkarî kirin. Di çarçoveya vê hevkariyê de di her warî de destekê didin. Armanca wan ji holê rakirina destkeftiyên kurdan e. Kurdên ku di hedefa êrişên aborî, leşkerî û psîkolojîk de ne, dixwazin bên tinekirin.” 

 

‘ÊRIŞÊN AKP’Ê LI BERXWEDANÊ QELIBÎN’ 

 

Bayindir anî ziman ku ew di pêvajoyeke dîrokî re derbas dibin û wiha got: “Ji bo girîngiya pêvajo were dîtin, divê em li êrişên faşîst binêrin. Di çarçoveya plana hilweşînê de 7 sal in êrişên xwe yên li ser 4 parçeyên Kurdistanê didomînin. Bi binçavkirin, girtin û qetlîamê dixwazin vê planê pêk bînin. Lê her carê ev plan rastî berxwedana gel tê. Ji ber ku tiştên ku dixwazin bi dest naxin, hîn bêtir hovane dibin. Qesr û AKP’ê bi êrişan ti encam negirtin, aboriya wan hilweşiya. Vê gavê aboriya wan têk çûye. Aboriyên kesên ku plana hilweşînê çêkirine hilweşiya. Em bi hêz in, em bi rêxistin in, lê ew hatine dawiyê. Ew kêliyên xwe yên dawî dijîn.” 

 

‘AKP BÛYE PARTIYA TABELAYÊ’ 

 

Bayindir anî ziman ku êrîşên desthilatdariya AKP-MHP'ê yên li hemberî yên di siyaseta demokratîk de israr dikin de didomin û got: "Çi bikin jî nikarin me ji siyasetê tine bikin. Êrişên li hemberî yên di siyaseta demokratîk de israr dikin, bi rêxistinbûnê tên bersivandin. Piştî her girtin û binçavkirinê em bi hêztir derdikevin. Werin em bi hişmendî û hişmendiya vê hêzê li qadan bin. Ev peywir dikeve ser milê her kesî. Ev yek bi rêxistinbûneke xurt dikare bê derbaskirin. Dixwazin bi doza Kobanê HDP’ê bigrin. Hincetên îsrafê bandorek mezin li gel kir. Yek ji wan ne derbasdar e. AKP û MHP’ê ku dosyaya girtinê vekirine, li Kurdistanê di pozîsyona partiyên tabelayê de ne.”

 

‘BERXWEDAN WÊ DAWIYA WAN BÎNE’ 

 

Bayindir bal kişand ser zextên li ser girtiyan ên li girtîgehan û got: “Li girtîgehên Kurdistan û Tirkiyeyê li dijî girtiyan êrişeke dijwar tê kirin. Başûr, Bakur, Rojava û Rojhilat li ber xwe didin. Li girtîgehan li ber xwe didin. Ev gel li ber xwe dide. Ev berxwedan wê bibe dawiya wan. Ji ber ku viya dizanin ji her alî ve êriş dikin. Êrişên li zindanan jî yek ji van êrişan e. Dixwazin zincîra berxwedanê ya li vir çêbûye bişkînin. Lê belê ew nikarin berxwedanê têk bibin. Çi bikin bila bikin, nikarin girtiyên ku prensîba berxwedanê girtine bitirsînin.”

  

PERGALA KU LI SER ÎNKARA HATIYE AVAKIRIN

Hevserokê KCD'ê Berdan Ozturk jî diyar kir ku polîtîkayên înkar û îmhayê yên li ser gelê kurd dewam dikin û wiha got: “Gelê kurd bi komkujî, koçberî, girtin, şewitandina gundan, bi koçberiyan re rûbirû ma û hêj ev didome. Kurd diçin ku bi vê zîhniyeta înkarê re rûbirû dimîne. Ji bo ciwan û jinan planên wan hene. Bi tiryak û fihûşê dest bi vê planê dikin. Bi fihûş û tiryakê hewl didin ciwanan bixînin. Ciwanên ku xwebûna xwe winda kirine ji bo wan dibin armanca êrişê.” 

 

TIRKIYE DI BIN TECRÎDÊ DE YE 

 

Ozturk da xuyakirin ku bi tecrîda li ser Rêberê PKK'ê Abdullah Ocalan dixwazin kurdan bêîrade bihêlin û wiha got: "Yên ku hewl didin gelê kurd vîna xwe winda bikin, bila bizanibin ku wê di sergoyê dîrokê de werin veşartin. Yên ku berê vê yekê ceribandin û bi ser neketin dizanin. Felsefeya Ocalan a ku wê siberoja gelê kurd rizgar bike ye. Gelê me biryara xwe daye. Rêberên xwe hilbijartine. We tecrîd girantir kir, tevahî Tirkiye ketiye bin tecrîdê. Ji bo başkirina rewşa fîzîkî ya Ocalan divê em têkoşînê mezin bikin. Dijminatiya Ocalan û kurdan Tirkiyê aniye wê astê ku siberoja xera bikin. Êrişî Efrînê kirin, niha jî dixwazin êrişî Kobanê bikin. Yên ku li wir mirovahiyê rizgar kirin dikin armanca xwe. Bi çeteyan re hatin cem hev. Armanca wan ew e ku kurdan bêstatû bihêlin. Ji ber ku Kobanê neketiye birînek di dilê wan de vekiriye. Dixwazin vê birîna xwe bi êrişa li ser doza Kobanê an jî Kobanê bigrin. Her cure hincet û hincetan derdixin. Ne tenê li Rojava, li Bakur û Başûr jî êrişî gelê me dikin.” 

 

REWŞA KOÇBERÊN LI SER SÎNORÊ BELARÛSÊ 

 

Ozturk da zanîn ku kurdên ji ber polîtîkayên Partiya Demokrata Kurdistanê (PDK) ketine ser rêyên koçberiyê li ser sînoran jiyana xwe ji dest didin û got: “PDK li ser rêveberiyê ye, lê her kes ji vê koçberiyê berpirsyar e. Dema ku kurd li wir wêran dibin ev eşîr bi dewlemendî jiyana xwe didomîne. Li ser navê kurdan radibin û diaxivin. Xwîna kurdan li wan axan hatiye rijandin, lê li şûna dagirkeran gelê kurd berpirsyar dibînin, ne yên ku van xakan dagîr kirine. Piçek exlaq, hindik wîjdan lazim e! Ji kesên li ser sînor jiyana xwe ji dest dane berpirsyar in. Li şûna ku destkeftiyên gelê kurd biparêzin, rê li ber Erdogan û Bahçelî vedikin. Ji bo têkbirina van destkeftiyan çi ji destê wan tê dikin. Pişt re jî derdikevin û dibêjin em li ser navê gelê kurd diaxivin. Her wiha hemû kirinên wan rê li ber yekîtiya neteweyî digire. Ev gel yekgirtî ne. Lê ev zîhniyet dixwaze pêşî lê bigire. Gelê kurd ji yekîtiyê re amade ye. Mafê ti kesî tune ku vê yekîtiyê xera bike.”