COLEMÊRG - Hat diyarkirin ku bi helîkopteran eskerên birîndar û cenazeyê eskerên mirî anîne Nexweşxaneya Dewletê ya Geverê. 

 

Operasyona Tirkiyeyê ya bi hevkariya PDK'ê ya li herêmên Zap, Avaşîn û Metînayê ji 17'ê Nîsanê ve didome. Her wiha di vê operasyonê de her diçe hejmara eskerên mirî û birîndar jî zêde dibin. Hat ragihandin ku îro bi helîkopteran cenazeyên eskeran û eskerên birîndar anîne Nexweşxaneya Dewletê ya Geverê.

 

Hat ragihandin ku berî helîkopter bê, derdora nexweşxaneyê û deriyê morgê bi polîsan hatine dorpêçkirin.

 

Nehat zanîn bê ka cenazeyên çend eskerên mirî û çend eskerên birîndar anîne nexweşxaneyê.