NAVENDA NÛÇEYAN - Li Herêma Xweser a Tîbetê ya Çînê li bajarê Shigatseyê bi mezinahiya 7.1’ê erdhej çêbû. Li gorî agahiyên destpêkê, herî kêm 9 kes mirin.
Li bajarê Shigatse yê Herêma Xweser a Tîbet a Çînê bi mezinahiya 7.1’ê erdhej çêbû. Li gorî Navenda Tora Erdhejê ya Çînê erdhej saet di 09.05'ê de di 10 km’an di bin erdî de çêbû.
Çapemeniya Çînê got ku erdhej li herêma Dîngrî ya bajarê Shigatseyê çêbûye û gelek avahî hilweşiyane. Li gorî agahiyên destpêkê, herî kêm 9 kesan jiyana xwe ji dest dane.