Endamê Meclisa Jinan a HDP’a Colemêrg’ê û TJA’yê li navenda bajêr bi daxuyaniyekê starta 25’ê Mijdarê dan. Di daxuyaniyê de hat gotin ku ew vê sedsalê weke “sedsala jinan” pêşwazî dikin û wiha gotin: “Her êrişeke li dijî jinan, sedema têkoşîn û raperîna me ye.”
Siyasetmedar Nûrsel Aydoganê diyar kir ku di Konferansa Jinê ya Navneteweyî de dirûşma “Jin, jiyan, azadî” veguheriye dirûşmeke gerdûnî û wiha got: "Jinan malavayiya Ocalan kir, ji ber ku ev dirûşm di serî de jinên kurd diyarî hemû jinên cîhanê kiriye. Beşdaran bi vê dirûşmê dest bi axaftina xwe kirin."
Jinên ku xwestin starta 25’ê Mijdarê ya diyarî Jîna Emînî kirin li ser sînorê Rojhilatê Kurdistanê bidin, astengkirin bi dirûşmeya “Jin jiyan azadî” şermezar kirin. Li Stenbolê jî bertek nîşanî êrişên li dijî jinan û sûcê şer hate dayîn.
Jinan li Botanê starta 25’ê Mijdarê dan û gotin: “Li dijî faşîzmê tekoşîna xwe bilind bikin.”
25'emîn Komcivîna Stargeh û Şêwirmendiya Jinan/Navendên Hevgirtinê di mazûvaniya navçeya Sûra Amedê de bi dirûşma “Jin jiyan azadî” dest pê kir.
Parlementera Iraqê ya berê Rêzan Şêx Dîler ku der barê kampanyaya îmzeyan a ji bo sekinandina êrişên Tirkiyeyê de axivî, wiha got: "Armanca me ew e ku em kampanyayê li çar perçeyan bidin destpêkirin. Heta qada hewayî ya Başûrê Kurdistanê li ber Tirkiyeyê neyê girtin, em ê xebatên xwe bidomînin."
Derket holê ku zaroka bi navê Berfîn Ep ku dihate îdiakirin li navçeya Berwariyê xwe kuştiye, hatiye qetilkirin.
Li Wanê di 7 rojan de 4 jin bi awayekî gumanbar jiyana xwe ji dest dan. Ji Komeleya Jinê ya Starê Rojbîn Bor, bal kişand ser qetilkirina jinan ku wekî "xwekuştinê" tên nîşandan û got ku nezelalkirina van kuştinan, encama "polîtîkaya jinê" ya desthilatê ye.
Seroka Komeleya Jinê ya Rosayê Adalet Kaya ku têkildarî Komcivîna Stareyên Jinê û Piştevaniya/Navendên Piştevaniyê axivî, wiha got: "Em ê pratîkeke têkoşînê ya li ser esasê xweparastin û çalak û bihêz derxînin holê."
Li Êlihê jinên ku bi hêceta şermezarkirina tecwizkar Mûsa Orhan hatin girtin, ev 6 meh in îdianameyê derbarê jinan de nehatiye amadekirin.
Îdianameya ku Serdozgeriya Komarê ya Şirnexê der barê kujer Metîn Şengîl de amade kir, ji aliyê Dadgeha Cezayê Giran a 3'yan a Şirnexê ve hat qebûlkirin. Taybet Uren, xwişka Berîvan Alturkê ku ji aliyê Şengîl ve hatibû qetilkirin, diyar kir ku tu kes bi hawara xwişka wê ve nehatiye û wiha got: "Ev, ji vê bêcazatiyê cesaretê digirin. Jinan bêqîmet dibînin. Dibêjin jinek hat kuştin ma çi bûye? Em dixwazin cezayê herî giran bidin wan da ku cesareta ku jinekê qetil bikin di xwe de nebînin."
Di encamnameya Konferansa Jinan a Navneteweyî de ji bo mayîndekirina têkoşîna hevpar, yekitî û tora piştevaniyê, tora ‘Jin, Jiyan, Azadî: Jin Pêşeroja Xwe Ava Dikin’ hat ragihandin.
Jinan ragihand ku ew ê îsal jî li dijî tundiya zilam-dewletê di 25’ê Mijdar3e de li Tunela Taksîmê bin.
Li gorî çeteleya tundiyê ya JINNEWS’ê, di meha cotmehê de herî kêm 36 jin hatin qetilkirin, hewldana qetilkirina 6 jinan çêbû û 21 jinan jî bi awayekî guman jiyana xwe ji dest dan.
Tîma Futbolê ya Jinan a Amedsporê li deplasmanê bi Tîma Fûtbolê ya Jinan a Trabzonsporê re 1 û 1 ma.