Rojnamevana îranî Mehtap Mehbûbê diyar kir ku jinên îranî îlhamê ji berxwedana jinên Rojavayê digirin û wiha got: “Ji Rojava heta Îranê bilindbûna têkoşîna jinan a bi dirûşmeya ‘Jin, jiyan, Azadî’ ne tesaduf e. Ji lew re jin doza jiyanê dikin û tiştekî ku winda bikin nemaye.”
Platforma Jinan a Demokratîk a Dîlokê qetilkirina Jîna Mahsa Amînî şermezar kir û wiha got: “Em ê vê têkoşînê bi serhildan û berxwedana gelan re bikin yek û cîhaneke azad bi hev re ava bikin.”
Çalakvanên ku bi qetilkirina Jîna Mahsa Amînî re li 3 bajarên Îranê daketin qadan gotin; “Tekane daxwaza me guhertina rejîmê ye. Em welatê xwe dixwazin. Em weke gel li qadan in, dê ji hev parçe nebin. Ev yek bi tena serê xwe azadî ye.”
Mehmet Emîn Oner ê li navçeya Kerboranê Pakîstan Demîr qetil kir, vekirina dersoka wê kir hincetê cînayetê.
Jinên ji bo Jîna Masha Amînî ya li Îranê bi îşkenceyê hate qetilkirin, çalakiyên xwe didomin, peyama bilindkirina têkoşîna jinan a birêxistinkirî dan.
Ji Tora Parastina Jinan Çîgdem Serîn banga piştevaniya bi çalakiyên li Îranê re kir û wiha got: “Ev agirê serhildana ji bo welatekê wekhev û azad e. Têkoşîna jinên îranî veguherî berxwedaneke rasteqîn. Divê em agirê serhildanê yê jinên îranî geştir bikin.”
Z.Ş. ya 5 meh in ducanî ye ku li navçeya Rezanê di qata duyemîn a avahiyeke 8 qatî de dijî, bi awayekî biguman di şaneşînê de ket.
Jinên di nava Tifaqa Ked û Azadiyê de diyar kirin ku tifaqê zemîna ku jin bûne kirde afirandiye û gotin ku armanca wan ew e ku bi tifaqê re yekîtiya jinan a herî berfireh ava bikin.
M.G. ku ji ber rejîma çewisîner a Îranê dest ji welatê xwe berdaye û hatiye Tirkiyeyê, bang li parêzvanên mafên mirovan kir û got: "Em bibin dengê jinên Îranê. Divê gel di vî şerî de serbikeve."
Jinên HDP’î qetilkirina Jîna Mahsa Amînî protesto kirin û gotin; “Em ê cîhaneke azad bi hev re ava bikin. Dê bi têkoşîna xwe bi pora Jînayê dîsa vehînin.”
Serokwekîla Koma HDP’ê Meral Daniş Beştaş di çarçoveya kampanyaya “Çareserî em in” de li Antalyayê bi jinan re civiya û got: “Em jin dê vê desthilatdariyê biguherînin.”
Aktîvîst Raşîn ku bi awayekî çalak tev li protestoyên Kirmaşanê bûye got ku dijminên jinên ên herî mezin, hikûmetên îslamîst in û ev tişt anî ziman: “Ev hikûmet li şûna ku azadiya jinan nas bikin, kuştina jinan tercîh dikin.”
Endamên Jin Bi hev re Hêz in li ber Konsolosxaneya Îranê qetilkirina Jîna Mahsa Amînî şermezar kirin û bi lêv kirin ku berxwedana Amînî têkoşîna jinan e.
HDP wê sibê li her cihê ku lê birêxistinkirî, bi armanca piştgiriya ji bo protestoyên ku piştî qetilkirina Jîna Mahsa Amînî dest pê kir, dakeve kolanan. Berdevka Meclisa Jinan a HDP’ê Ayşe Acar Başaran wiha got: “Em ê bi hev re biqîrin ku wê azadiya jinê azadiya civakê pêk bîne.”
Jinên Îranî yên ji bo Jîna Emînî ya ji aliyê polîsên exlaq ve li Îranê hat qetilkirin li Stenbol û Îzmîrê hatin ba hev û peyama “Em radest nabin“ dan. Polîsan 20 jinên li Stenbolê çalakî kirin binçavkirin.