Dayika Hevserokê KODAR'ê yê berê û Endamê Meclîsa Rêveberiya PJAK'ê Rêzan Cavîd ê di êrişên hewayî de jiyana xwe ji dest da, di şîna wî de wiha got: “Serê te qasî daristanên Qendîlê bilind e.”
OHD û TUHAYDER ragihand ku li Girtîgeha Amedê ya Jinan weqayên vîrûsa koronayê belav dibin û pirsgirêkên tenduristiyê yên cidî hene.
Navenda Mafê Jinan a Baroya Mêrdînê û Berdevka HDP’ê Ebrû Gunay, ji bo ku Hattap D. ê kurê hikumxwarê Doza N.Ç. Şeyhdavut D. û pismamê wî Hasan D. ku tecawizî jinek ciwan kiribûn, bên darizandin ketin tevgerê.
TJA û Meclisa Jinan a HDP’ê bi mebesta şermezarkirina neberdana siyasetmedara kurd Aysel Tugluk bi Kadîfe Kaleyê ve posterek daliqand.
Rêvebera Komeleya Jinan a Rosayê Nevîn Oyman diyar kir ku tundî û kuştina jinan polîtîkayek dewletê ye û ji bo jinên ku tundî li wan tê kirin, nizanin çi bikin û bêçare dimînin banga, “Em hene û her dem li cem we ne” kir.
Bijîşk Neşe Yilmaz, diyar kir ku gelek dermanên di tenduristiya jinan de tên bikaranîn ji aliyê SGK’ê ve nayê temînkirin û ev pêkanîn “tundiya di qada tenduristiyê de” ya li ser jinan e.
Cezayên pereyan li jinên ku biryara betalkirina Peymana Stenbolê protesto kiribûn hatibû birîn. AYM cezayê hatiye birîn ji ber ku “mafê civîn û xwepêşandanan binpê dike” betal kir.
Aktîvîstên TJA'yê Kevser Elturk a ku di 10’ê tebaxa 2015’an de jiyana xwe ji dest dabû û ji aliyê leşkeran ve bedena wê hatibû teşhîrkirin, li ser gora wê ew bibîr anî.
Hattap D. ê kurê hikumxwarê Doza N.Ç. Şeyhdavut D. û pismamê xwe Hasan D. tecawizî jinekê dikin û ev jin ducanî dimîne. Dozgeriyê got, “delîl tune ye.” Di testa DNA’yê de bavê zarok ê biyolojik Hattap D. derket.
Kesê bi navê Baran Kizil got; “Dewlet li pişt min e” û Îpek Gulşen xapand, derb kir û hewl da tecawiz bike. Li ser vê yekê Gulşen, giliyê Kizil kir û xwest ku were girtin.
Parlamentera HDP’ê Feleknas Uca binpêkirinên li dijî rojnamegerên jin xist rojeva Meclisê û pirsiya bê ka ji bo pêşîlêgirtina van binpêkirinan hewldaneke çawa heye.
Li Şirnexê jina ciwan a bi navê Z.S., hewl da ku xwe bikuje.
Jinên ku ji Qada Îstasyonê xwestin dijminatiya li ser girtiyên nexweş bê bidawîkirin, bang li her kesê kirin ku li dijî îşkenceya li girtîgehan têbikoşin.
MKGP’ê li Amedê bi daxuyaniyekê binpêkirinên li dijî rojnamegerên jin ên di nava 7 mehên dawî de aşkera kir. MKGP’ê da zanîn ku di nava van 7 mehan de 161 binpêkirin li dijî rojnamegerên jin hatine kirin û xwest ku rojnamegerên jin ên girtî di zûtirin demê de bên berdan.
Cîgira Hevseroka Giştî ya Partiya Şoreşger Bûrcûgul Çûbûk, diyar kir ku pêkanîneke taybet a desthilatê ya li dijî jinên HDP’î heye û bi lêv kir ku biryara rakirina parêzbendiya Hevseroka Giştî ya DBP’ê Salîha Aydenîz nas nakin.