Di hilbijartinên Iraqê yên 10'ê Cotmehê de, 8 namzet jê jin in. Ji namzetên jin a serbixwe Ronak Mecîd got: "Divê Iraq êdî bi hişmendiya jinê bê birêvebirin."
Meclîsa Dayikên Aştiyê ya Îzmîrê û aktivîstên TJA’yê di roja 197’emîn a Nobeta Edaletê de serdana Emîne Şenyaşar kirin û bi gotina “Em ji bo herkesê edalet û aramiyê dixwazin” banga piştevaniyê kirin.
TJA, ji bo bernameya xwe ya çalakiyan a serdema nû diyar bike li Wanê bi saziyên jinan ên bajêr re hat gel hev.
Li seranserê Iraqê û li Herêma Kurdistana Federe xwekuştin, qetilkirin û tundiya li dijî jinan her ku diçe zêde dibe. Endama RJAK'ê Jîno Reşîd, têkîldarî polîtîkayên ku li ser jinan tên meşandin û zêdebûna xwekuştin, tundî û qetilkirina jinan a li herêmê got: "Ji ber tundiyê tenê di mehekê de hezar û 42 serlêdanên ji bo gilîkirinê ji me re hatin. Jinên tên kuştin jî li goristanên bêkesan tên veşartin."
Aktivîsta TJA'yê Zeynep Uren diyar kir ku êdî tecrîdê, qirkirina jinê û nîjadperestiya li ser kurdan tehamûl nakin û got: "Em ji bo azadiya xwe ji malê dertên. Lewma em dibêjin 'Niha dem dema jinê ye." Uren, ji bo mîtînga 16'ê Cotmehê bang li jinan kir.
Jinên parêzer ên Emîne Şenyaşar ziyaret kirin, soza piştgiriya hiqûqî dan.
9'emîn Tûra Bisiqlêtê ya Jinên Xemilandî li Amedê hat lidarxistin.
Li Sutangaziya Stenbolê bi dirûşma "Li dijî qirkirina jinan, nijadperestî, şer û tecrîdê em ber bi azadiyê ve dimeşin" bi jinan re hevdîtin hat kirin. Di hevdîtinê de peyamên dê îqtîdara mêran hilweşe. Wê jin bi ser kevin! Gel bi ser kevin! hatin dayîn.
TJA'yê, ji bo tevlîbûna mîtînga "Dem dema azadiya jinê ye" ya di 16'ê Cotmehê de, li Qada Îstasyona Amedê li dar bixe, li Mêrdînê bang li hemû jinan kir.
Berdevka Meclîsa Jinan a HDP'ê Ayşe Acar Başaran a di vekirina kargehên Saziyên Jinan ên Rêveberiyên Xwecihî ya HDP'ê de axivî û bal kişand ser tecrubeya rêveberiyên xwecihî yên jinan û got: "Li dijî siyaseta tahakkumkar pratîka rêveberiyên xweser a digihêje aqilekî hevpar, me xwest em pêk bînin. Me îrade û rêxistinbûna jinan bi hêz kir û me hewl da tevlî qada civkî û siyasî bibin."
Tûra Bisiklêtê ya Jinên Bixeml, wê li Amedê di 19’ê Îlonê de, bi dirûşmeya “Herî zêde jin li kolanan tên” li dijî zayendperestiyê, tundiya li ser jinan û qirêjkirina derdorê bisiklêtan bajon.
Nivîskara femînîst Berrin Sonmez diyar kir ku ew medyaya ku xwe wek demokrat û wekhevparêz pênase dike û ji bo bêtir bêtir werin temaşekirin û tikandin zimanek nêr, pornografî bikar tînin û ev gişt tundiyê teşwîq dikin.
Tomarkirina kargehên Jineolojiyê ya ku li Stenbolê dest pê kirî, dê di 1’ê cotmehê biqede. Di bernameya kargehan de mijarên wekî "Çima Jineolojî", "Li Ser Hebûna Jinê Perspektîfa Dîrokî" û "Hevjiyana Azad" cih digirin.
Meryem Ganîdagli ku bi qehweya kizwanan a ji dapîra xwe hîn kiriye debara xwe dike, bang li jinan kir ku serxwebûna xwe ya aborî ava bikin.
Berdevka Meclîsa Jinan a HDP’ê Ayşe Acar Başaran li Dîlokê di hevdîtina bi jinan re de got: “Xizankirina jinan polîtîkayek dewletê ye. Divê em li dijî vê polîtîkayê têkoşîn û rêxistinkirina xwe mezin bikin.”