Berdevka Meclîsa Jinan a HDP'ê Ayşe Acar Başaran, anî ziman ku her diçe sûcê îqtîdarê yên li dijî jinê zêdetir dibin û wiha got: "Li dijî polîtîkayên şer û tundiyê herî zêde jin têdikoşin. Herî zêde jin muxalefetiyê dikin." Tifaqa mêr a AKP-MHP'ê bi şer û kaosê li ser piya ye. Di bingeha şer û kaosê de dijminatiya li dijî kurdan û jinan heye."
Li gorî daneyên Jinnewsê kom kir, di meha Gulanê de 25 jin û 6 zarok hatin kuştin. Piştî betalkirina Peymana Stenbolê ji 20'ê adarê heta 20'ê gulanê 44 jin hatin kuştin.
Jinên ku li navçeya Torbaliyê ya Îzmîrê rojê bi 80 lirayî di bin germa havînê de karê binkolê dikin, nikarin kirê û fatûrayên xwe bidin.
TJA û endamên Meclisa Jinan a HDP’ê li navçeya Rezan bi dayikan re hatin gelhev û qurnefîl li wan belav kirin.
Zilamê bi navê O.S. ê li navçeya Îlkadimê ji girtîgehê bi destûr derket, tundî li dayika xwe kir.
Li gorî rapora tundiyê KCDP’ê di meha gulanê de 17 jin hatine kuştin û 20 jî bi awayek guman jiyana xwe ji dest dane.
Hasîp Akbûlût ê li navçeya Bismilê hevjîna xwe Mûhterem Akbûlût qetil kir, piştî ku zarokên wî li dijî wî îfade dan, îdia kir ku zarok ne ji wî ne û xwest testa wan a DNA’yê bê kirin.
Meclîsa Jinan a HDP’a Colemêrgê diyar kir ku “rûspî” dixwazin ser bûyera êrişa zayendî ya li navçeya Rûbarokê li hember zaroka 4 salî pêk hatibû bigirin û ew ê dozê bişopînin.
Jina bi navê Rabîa Bîlgîn li navçeya Artemêtanê bi awayekî biguman jiyana xwe ji dest da.
Mêran li Stenbol, Îzmir û Samsûnê tundî li jinan kirin. Di bûyerên tundiyê de mêran bi tundiyê tecawizî 2 jinan kirin û 4 jin birîndar kirin.
Endamên Meclîsa Jinan a HDP’ê di çarçoveya “Ji Xizaniya Jinan Re Na” li Bajaroka Bûlam a Çêlikanê bi jinên ku tûtinê datînin re hatin gel hev. Berdevka Meclîsê Ayşe Acar Başaran got: “Navê xizaniyê bûye navê jinan."
Li gorî rapora azadiya çapemeniyê ya Koalîsyona Jinê ya di Rojnamevaniyê de ya meha gulanê, 70 jinên rojnamevan rastî tundî û tacîzê hatine.
Komeleya Jinan a Starê, têkildarî jinên ku li dijî talankirina xwezayê li ber xwe didin peyamek weşand û wiha got: “Em ê heta dawiyê li rex jinên ku av, ax û qadên jiyana xwe diparêzin bin.”
Rojnameya jinan a mehane Newaya Jin bi manşeta "Şerê hebûnekê bi Zîlanî" derket
Li navçeya Rezan, zilamekî êrişî jina bi navê Kubra E. kir. Kubra E. rapora lêdanê girt û giliya zilamê êrişkar kir.