Fatma Dogan ku dayika Fîdan Dogan a 11 sal berê li Parîsê hatibû qetilkirin e diyar kir ku keça wê hêj di temenekî biçûk de tev li têkoşînê bû û wiha got: “Ji ber têkoşîna keça xwe serbilindim.”
Mûazzez Saglam a ku 8 sal in li Serêkaniyê ajokariya taksiyê dike, anî ziman ku ji bo dest ji karê xwe berde gelek caran rastî zextan hatiye û herî zêde jî jinan piştgiriya wê kiriye.
Parlamentera Îzmîrê Bûrcûgul Çûbûk a di bîranîna jinên li Silopiya û Parîsê hatin qetilkirin de axivî, wiha got: "Têkoşîna azadiya jinê, ev têkoşîna ku me tîne ba hev, bingehên vê dewletê dihejîne.”
Gonul Kaya ku hevaltiya wê ya bi Sakîne Cansiz a di 9’ê Çileya 2013’an de li Parîsê hate qetilkirin re kevn e wiha got: “Ew jineke evîndara azadiyê, evîndara têkoşîna afirandina mirovê azad bû.”
Komeleya Rojnamegerên Jin a Mezopotamyayê da zanîn ku di sala 2023’yan de 168 rojnamegerên jin hatin darizandin û 11 rojnameger jî hêj di girtîgehê de ne.
Parlamentera DEM Partiyê ya Bedlisê Semra Çaglar Gokalp diyar kir ku li Girtîgeha Sîncanê 11 jin ji mafê berdana bi şertê kontrola edlî sûd negirtine û ji bo Wezîrê Dadê Yilmaz Tûnç bi bersivîne pêşniyazpirsek pêşkeşî Meclisê kir.
Sakîne Demîr der barê keça xwe Sêvê Demîr ya li Silopiyayê bi 11 guleyan hatibû qetilkirin axivî û anî ziman ku doza keça wê doza her kesî ye û wiha got: "Werin em aştiyê bînin vî welatî."
Hevseroka Meclisa Gel a Silopiyayê Pakîze Nayirku bi berxwedana xwe mîrateyeke têkoşînê ya mezin li pey xwe hişt, navê xwe di rûpelên dîrokê de bi tîpên zêrîn nivîsand. Dayika Nayirê Behiye Nayirê diyar kir ku keça wê ji bo parastina gelê xwe, xwe feda kiriye.
Hatîce Ûyar, dayika endama KJA'yê Fatma Ûyar ku di qedexeyên derketina derve de hatibû qetilkirin, got: "Divê sedema tekoşîna her jineke kurd Sêvê be, Pakîze, Fatma, Sakine û Asya Yuksel be. Heta em sax bin em mîrateya tekoşînê ya ku wan ji me re hiştiye bidomînin."
Denîz Poyraz ku di êrişa sala 2021’an a li dijî avahiya HDP’a Îzmîrê de hatibû qetilkirin, di rojbûna xwe de li ser gora xwe hat bibîranîn.
Bertekên li dijî êrişên zayendperest ên li dijî Başak Demîrtaş berdewam in. Meclisa Jinan a DEM Partiyê diyar kir ku ev êriş bi zanebûn tên kirin û wiha got: “Ên ku bêdeng dimînin bila bizanin ku Başak Demîrtaş ne bi tenê ye.”
Li gorî çeteleya tundiyê ya ya JINNEWS’ê, di sala 2023’an de herî kêm 320 jin hatine qetilkirin û 189 jin jî bi awayeke guman jiyana xwe ji dest dan
Hejmara Kovara Jînê ya vê hefteyê bi manşeta “2023: Serhildana li dijî newekhevî, tecrîd, patriyarka û xizaniyê” derket.
Berdevka Meclisa Jinan a DBP'ê Bêrîvan Bahçeçî ya sala 2023'yan nirxand, diyar kir ku li dijî êrîşên destkeftiyên jinan wê di sala nû de têkoşîna jinên rêxistinkirî were zêdekirin û got: "Em careke din soza xwe dubare dikin ku sala 2024’an wê bibe sala azadiya Rêberê Gelê Kurd Abdullah Ocalan."
Li Wanê di çarçoveya projeya “Ji Çaran Çar, Jin Huner” de jin di kargeha ku stranên pirzimanî hatin gotin de hatin bahev.