Jinên KESK'ê bernameya xwe ya 8'ê Adarê parve kirin û gotin: "Em ê jiyanê bi têkoşîna hevgirtî û bi hêrsa xwe ji nû ve bihonînin. Em ê li herêmên erdhejê bi mexdûrên erdhejê re bin."
Parêzer Mehtap Sert diyar kir ku girtiya bi navê Havva Zor di erdhejê de keça xwe winda kir lê destûr nehat dayîn ku tev li merasîma cenazeyê keça xwe bibe: “Niha jî şandin Girtîgeha Erzînganê û di hucreyê de tê ragirtin. Nahêlin dayikek êşa zarokê xwe bi xizmên xwe re parve bike.”
Jinên ku ji bo jin û zarokên Meletiyê alîkarî şandin, li pêşiya Komeleya Jinan a Starê kom bûn û wiha gotin: “Em ê birînên jinan bi felsefeya jin, jiyan, azadî derman bikin.”
Aktivîstên TJA’yê ku ji bo jin û zarokên li Meletiyê alîkariyê kom dikin, diyar kirin ku wê piştevaniyê mezin bikin û bi hev re vê pêvajoyê derbas bikin.
Siyasetmedara girtî Gulten Kişanakê diyar kir ku divê jin li dor hev bibin xelek û seferber bibin û ji bo erdhejê jî got: "Sedema sereke ya vê karesatê, feraseta navendîparêz a hişk û pergala tekparêz e."
Berdevka TAJÊ Hemşê Elî diyar kir ku jinên êzidî yê ku di wargehên PDK’ê de dimînin radestî DAIŞ’ê tên kirin û got: "Nizanin ku cih û warên wan kîjan in. Xwe û rastiya xwe nas nakin, ji ax, war û nasnameya xwe tên dûrxistin."
Meclisa Jinan a HDP’ê starta çalakî û xwepêşandanên 8’ê Adarê Roja Jinan a Cîhanê da. Berdevka Meclisa Jinan a HDP’ê Ayşe Acar Başaran da zanîn ku dê xebatên xwe herî zêde li herêmên erdhejê bimeşînin.
Kampanyaya nameyan a Piştevaniya Mor ku bi dirûşma “Em ê bi hev re ava bikin” didome û jinên li navçeya Fatîhê hatin ba hev diyar kirin ku dê her tim li cem mexdûrên erdhejê bin.
Hevşaredara Silopiyayê Adalet Fîdan da zanîn ku pêdiviya jin û zarokên li herêmên erdhejê bi bincilan heye û dê piştevaniya xwe ya bi mexdûrên erdhejê re bidomînin.
TJA'yê bi dirûşma “Piştgiriya Jinan Dide Jiyandin" deklarasyona 8’ê Adarê Roja Jinan a Cîhanê bi daxuyaniyekê eşkere kir.
Di konên mor ên ji aliyê Tora Piştevaniya Femînîst a ji bo Afetê, bi partiyên siyasî û rêxistinên sivîl ên civakî re hatin vedan de piştevaniya jinan didome.
TJA, Meclîsa Jinan a HDP'ê û jinên femînîst, li Semsûrê lîsteya pêdiviyên jinên mexdûrên erdhejê amade kirin.
Jinên kurd 8’ê adarê li herêmên erdhejê bi piştevaniyê pêşwazî dikin. Parêzer Sûzan Akîpa wiha got: “Hilweşîna herî mezin a bi serê me hatî ne erdhej e, ev desthilata faşîst a bi serdestiya mêr e. 8’ê Adara îsal wê bibe soz û çalakiya avakirina jiyana nû.”
Endama EKA'yê Delal Erol diyar kir ku gelê Antakyayê bi hêrs e û got ku di xebatên alîkarî û piştevaniyê de rûyê rast ê dewletê hatiye dîtin.
Malbata Hezer ku ji 12 kesan pêk dihat, niha ji ber zordestiya dewletê tenê dê û bav mane. Dayik Ayşe Hezer ku tu caran dest ji berxwedanê bernedaye got: "Dewletê gelek tişt anîn serê min. Zarokê min, hemû belav kirin, min û hevjînê min tenê hiştin. Lê min li hemberî wan serê xwe netewand û heta dilopek xwîn jî di laşê min de bimîne ez ê li ber xwe bidim."