Baroya Wanê, têkildarî platforma Trendyolê ku tîşortên bi wêneyê “Torosa Spî” difrot serlêdana sûc kir. Baroyê destnîşan kir ku bi firotina van tîşortan re sûcên “pesnê sûc û sûcdar dide” û “gel sewqî kîn û dijminatiyê dike” hatiye kirin. 

 

Di daxwaznameyê de wiha hate gotin: "Torosa Spî di salên 1990’î de li bajarên Kurdan bûye sembola kuştinên kiryarnediyar, windakirinên bi darê zorê. Ev sembol bi gotina 'Hezkiriyên Torosê' ve bazirganiya wê tê kirin û tê wateya pesindayîna sûcan." Herwiha Baroyê destnîşan kir ku ev ne tenê warê exlaqî de di warê hiqûqî de jî binpêkirinan îfade dike û wiha hate gotin: "Divê ev rewşa bêcezakirinê ku mexdûran travmatîze dike û wijdana civakê aciz dike bi dawî bibe.”