Endamê Înîsiyatîfa Yekîtiya Demokratîk Orhan Ayaz got ku di konferansên ku dê li Bazîd û Mêrdînê werin lidarxistin de, mijarên sereke yên rojevê dê lidarxistina kongreya neteweyî û pêvajoya ku li Tirkiyeyê dest pê kiriye bin.
Gelê Mexmûrê ku 736 roj in ji bo azadiya fizîkî ya Abdullah Ocalan nobedê digire, got: "Divê dewlet guh bide banga Rêber. Em jiyaneke aram û bi rûmet dixwazin. Em dixwazin bi awayekî birûmet vegerin axa xwe, ne bi teslîmiyetê."
Qeyûm ku rêyên peyayan ên li navçeya Miksê çênake, gel perîşan kiriye. Welatiyan bertek nîşanî vê yekê dan û xwestin ku rê bên çêkirin û mexdûriyet ji holê bê rakirin.
Şaredariya Şirnexê ya bi "dengên veguhêz" hat xespkirin, bajêr bê av hiştiye. Dikandaran got: "Şaredariya ku pirsgirêka avê çareser nake, li pey reklamê ye. Madem wê avê nedin me, bila li wir rûnenên."
Sewalvanên ku bertek nîşanî girtina borseya heywanan dan, gotin ku dewlet tevdîrên pêwîst negirtiye û fatûreyê li sewalvanan bar kiriye.
Serokê Baroya Colemêrgê Ergun Canan, ji bo çareserkirina meseleya kurd û demokratîkbûna Tirkiyeyê, demildest divê qanûna azadiyê ji meclisê bê derketin.
Li Eskîşehîrê 10 karkerên daristanê yên ku mudaxaleyî şewatê kirin, jiyana xwe ji dest dan.
“Civînên Aştî û Civaka Demokratîk” ku bi pêşengiya TJA, DBP û DEM Partî destpêkirine li navçeyên Cizîr û Silopiyayê berdewam dikin. Welatiyên tevlî civînê bûn anîn ziman ku aştî yekalî nabe û divê dewlet jî gavan biavêje.
Şîna ku ji bo Bahoz Zerdeşt ê HPG’î li mala malbata wî hate lidarxistin, bi awayeke girseyî hate ziyaretkirin.
Merasîma cenazeyê Dayika Şemiyê Emîne Ocakê, sibê dê li Qada Galatasaray bê lidarxistin.
Şîna Abbas Kerîm Vesek û Hacî Ertene yên HPG’î yên ku di dîrokên cuda de jiyana xwe ji dest dabûn, bi girseyî hate ziyaretkirin.
Hevserokê Konseya Rêveber a KCK'ê Cemîl Bayik bal kişand ser Peymana Lozanê û got: “Kurd ji înkar û îmhayê hatin hebûnê”
Hate îdiakirin lêpirsîna têkildarî amûrên tibî yên ku bi qamyonan ji Nexweşxaneya Dewletê ya Cizîrê hatibûn derxistin, dixwazin bi têkiliyên siyasî ve bê girtin.
Mîrata dîrokî û çandî ya Mêrdînê, Rezên Zinnar, bi vîllayên bêdestûr ên ku ji aliyê sermayedaran ve di bin navê "ekoturîzmê" de hatine çêkirin, tê talankirin. Parêzvanên ekolojiyê hişyariya "karesatê" dan û gotin: "Parastina vê derê berpirsiyariyeke polîtîk e.