Parêzerên Buroya Hiqûqê ya Sedsalê ji bo hevdîtina bi muwekîlê xwe Rêberê PKK’ê Abdullah Ocalan re ku 41 meh in tu agahî jê nayên girtin, serî li Serdozgeriya Bûrsayê û Midûriyeta Girtîgeha Îmraliyê dan.
Alimê olî yê ji Silêmaniyeyê Eta Pênciwênî bertek nîşanî êrişên Tirkiyeyê yên li dijî Herêma Federe ya Kurdistanê da û diyar kir ku Tirkiye di herêmê de êrşên komkujiyê pêk tîne.
Ataş Gobe yê 30 sal in girtî ye û li Girtîgeha Tîpa F a Bolûyê de tê ragirtin, tevî ku di 2’yê hezîranê de cezayê lê hatiye birîn temam kiriye jî ji ber ferzkirina “poşmantiyê” qebûl nekiriye berdana wî 3 mehan hate astengkirin.
Xizmên girtiyan ku bal kişandin ser zextên li girtîgehan banga rakirina tecrîda li ser Rêberê PKK'ê Abdullah Ocalan kirin.
Li Amed, Êlih û Wanê di çarçoveya “Xwendinên Azadiyê” de “Teoriya Gulê” ya Abdullah Ocalan hat xwendin û li ser xweparastinê û tecrîdê nîqaş hat kirin.
Dîlan Polat a ji fêl û fanên pereyên nehelal heye gelek sûcan qeyda wê heye, hate berdan lê belê girtiyên siyasî û nexweş nayên berdan. Rêvebera MED TUHAD-FED’ê Emîne Kaya bertek nîşanî cihêkariya tê domandin da û wiha got: “Ji bo desthilatê ne sûc, lê kes girîngtir in.”
Îdianameya der barê ciwanên ku ji ber di şahiya leşkeriyê de li ber stranên kurdî govend gerandibûn hatibûn binçavkirin û paşê hatibûn girtin de hat amadekirin, hat qebûlkirin. Di îdianameyê de ji ciwanan pirsa "we govend gerand?" hatiye pirsîn.
Li navçeya Solaxan a Çewlîgê Dayika Aştiyê Muhsîne Ayhan ya 96 salî jiyana xwe ji dest da.
Di çarçoveya kampanyaya “Ji Abdullah Ocalan re azadî, ji pirsgirêka kurd re çareserî” de li navçeya Hezexê û bajaroka Deşta Darê ya Şirnexê çalakiya “Xwendinên Azadiyê” ku ji parêznameyên Rêberê PKK’ê Abdullah Ocalan pêk tê, hat lidarxistin.
Navnîşana “mezopotamyaajansi38.com” ya ajansa me hat astengkirin.
Platforma Tenduristiyê ya Amedê êrişa li dijî Dr Heçîm Îzol ê di servîsa awarte ya Nexweşxaneya Perwerde û Lêkolînê ya Gazî Yaşargîlê de dixebite, hatiye kirin bi daxuyaniyekî şermezar kir.
Malbata Şenyaşar a têkoşîna xwe ya Edaletê veguhêste ber Serokatiya Meclisê diyar kir ku heta encamekê bigirin dê çalakiya xwe 24 saetan bidomînin.
Îlham Ehmet destnîşan kir ku divê gel xwedî li hêzên xwe derkeve û got: “Divê hikûmeta Şamê Rêveberiya Xweser nas bike.”
Berdevka DEM Partiyê Ayşegul Dogan a bal kişand ser “mûtebeqata” di navbera Enqere û Bexdayê de wiha got: “Li Rojhilata Navîn bi zêdetir baregehên leşkerî pirsgirêk nayên çareserkirin. Tişta ku îro Tirkiyeyê herî zêde pêdivî pê heye bi awayekî bi lez tevgera demokrasî û aştiyê ya xurt û xelasker e.”