Komploya Navneteweyî ya 9’ê Cotmehê li gelek bajaran hate protestokirin û beşdaran diyar kirin ku divê her kes li dijî komployan dengê azadiyê bilind bikin û gotin: “Azadiya Abdullah Ocalan dê ji bo aştiya gelanû siberojê gava herî şênber be.”
Di danişîna doza rojnameger Rahîme Karvarê de ku bi îdiaya “endamtiya rêxistinê” tê darizandin, mutalaa hate pêşkeşkirin û dozger daxwaza cezayê hefsê kir.
Di danişîna doza rojnamevan Reyhan Hacioglû de ku bi îdiaya “endamtiya rêxistinê” tê darizandin, biryara berdewamiya kontrola edlî hate dayin. Ji bo rojnameger Welat Ekîn jî biryara anîna bi darê zorê hat dayin.
HSD’ê êrişa hêzên Hikûmeta Demkî ya li gundewarên Bendava Tişrînê têk bir. Di dema bersivdayînê de êrişkarek hate kuştin.
Komîsyona Parêzeran a Doza Komkujiya Garê ya 10’ê Cotmehê û Komeleya Aştiyê ya 10’ê Cotmehê, bi boneya salvegera 10’emîn a komkujiyê rapora xwe aşkera kirin.
Parlamenterê DEM Partiyê Alî Bozan, bal kişand ser rewşa tenduristiya girtiya nexweş a 78 salî Besê Ecer û got: “Ger neynûka wê zirar bibîbe berpirsiyarên wê Wezareta Dadê, serokê dadgehê û îdareya girtîgehê ne.”
Mehmet Salih Erden ku piştî 30 salan hate berdan, li bajarê xwe navçeya Hezexê ya Şirnexê bi girseyî hate ziyaretkirin.
Danişîna doza Xwediyê Weşanxaneya Aramê Hakki Boltan û Delîl Zengeralp ku ji ber 2 pirtûkan bi îdiaya "Propagandaya rêxistinê" tên darizandin, hat lidarxistin.
TJA û DBP’ê diyar kirin ku Manîfestoya Civaka Demokratîk, komploya navneteweyî ya li dijî Rêberê Gelê Kurd Abdullah Ocalan vala derxistiye.
Li ser îfadeya şahidê nepen “K8Ç4B3L1T5”, der heqê rojnameger Abdurrahman Gok de îdianameyeke nû hate amadekirin. Şahidê nepen der heqê Gok de dibêje "Wêneyê bêbandorkirina Kemal Kurkut a ji hêla hêzên ewlehiyê ve, Abdurrahman Gok kişandî ye” û îdianame li ser vê îfadeyê hatiye vekirin.
Lamîa Asu ku piştî 31 salan ji Girtîgeha Jinan a Şakranê hate berdan, birin Navenda Paşveşandinê ya Harmandaliyê. Lamîa Asu, li bendê ye ku vegere Efrînê.
Parêzerê OHD’î Mehmet Şîrîn Şahîn, diyar kir ku di sala 2016’an de ji bo girtiyên ku di dosyaya wan de “bombe/teqemenî” cih digire, pergaleke cuda ya cezakirinê di meriyetê de ye.
Prof. Dr. Fazil Husnu Erdem diyar kir ku divê komîsyon tavilê li Abdullah Ocalan guhdarî bike û got: “Heke îrade hebe, gelek gavên dikarin bên avêtin hene.” Ji bo çareseriya pirsgirêka Kurd di 5’ê Tebaxê de Komîsyona Hevgirtina Neteweyî, Xwişk-Biratî û Demokrasiyê hate avakirin. Di serî de malbatên di şer de zarokên xwe winda kirin, komîsyonê li gelek kesan guhdarî kir. Di 2’yê Cotmehê de jî li hiqûqnasan guhdarî kir.
Mehmet Salih Erdem, piştî 30 salan hat tehliyekirin.
Berdevka TJK-E'yê Ayten Kaplanê got ku kurd û dostên wan, bi pêşengiya jinan, dê bi dirûşmeya "Ji bo aştî û çareseriyeke demokratîk azadî ji bo Ocalan" li gelek bajarên Ewropayê dakevin qadan.