Abdulkadîr Barût, bavê Kendal Barut ê ji Girtîgeha Ewlehiya Bilind a Hêjmar 2 ya Xarpêtê sewqî Girtîgeha Hêjmar 1 a Ewlehiya Bilind a Sûlûca ya Edeneyê hat kirin, diyar kir ku laşê kurê wî bi bîrîn e û nayê dermankirin û got: "Em jî tên cezakirin."
Dengbêj Kazo yê ku tam 32 sal berê di şeva ku ji bo nivîskarê kurd Mehmet Ûzûn hat lidarxistin de bi destê Mûsa Anter girtibû û bi hev re govend gerandibûn, wiha got: “Dema min ew dîmen piştî salan dît, pir pê êşiyam. Lê ji aliyê din ve ez kêfxweş bûm ku vî dîmenî ez û Apê Mûsa di govendê de aniye cem hev.”
Li navçeya Elbak a Wanê di encama barana zêde de lehî rabû û ji ber lehiyê hinek mal di bin avê de man, zevî û erdan zirar dît.
Nobeta Edaletê ya ku Emîne Şenyaşar ji bo endamên malbata xwe yên hatine qetilkirin û kurê xwe yê girtî li Meclisê daye destpêkirin, mehek li pey xwe hişt.
Danişîna doza Necmettîn Fendîk ku di serdegirtina malê de hatibû qetilkirin, ji ber ku parêzerê polîsê bersûc hincet nîşan da hate taloqkirin.
Midûriyeta Herêma 14’emîn Çandiniyê û Daristanê ya Wanê ji bo nêçîra pezkoviyan ku kuştina wan qedexe ye, bi awayek “fermî” derxist îhaleyê.
Der barê rojnamevan Celalettîn Yalçin ê di hevdîtina vekirî de ji xizmên girtiyan re îşareta serkeftinê nîşan da, lêpirsîn hat destpêkirin.
Siyasetmedar Sebahat Tuncel çû serdana Şaredariya Curnê Reş û got: “Divê em şaredarvaniya alternatîf bikarin ava bikin. Meseleya me ne tenê ew e ku avahiyekî bi dest bixin. Meseleya me ew e ku pêşengtiya guherîn û veguherînê bikin.”
Li dijî girtina endamên malbatê yên di çarçoveya lêpirsîna Narîn Guranê de hatine girtin, îtîraz hate kirin.
Girtiyê bi navê Metîn Serhat ku ji Girtîgeha Hejmar 1 a bi Ewlekiya Bilind a Xarpêtê sewqî Girtîgeha Hejmar 1 a bi Ewlekariya Bilind a Sulucayê hate kirin, diyar kir ku zexta psîkolojîk li wan tê kirin û hatine tecrîdkirin.
Cenazeyê Anter Anter dê li gundê Zivingê were definkirin.
Komîteya Wezîran a Konseya Ewropayê têkildarî biryara binpêkirinê ya DMME’yê ji bo Abdullah Ocalan dabû civiya. Komîteyê xwest ku tevdîrên pêwîst tavilê bên girtin. Komîteyê, diyar kir ku heke gav neyên avêtin dê di îlona 2025’an de biryara navberê amade bikin.
Hevseroka Giştî ya DEM Partiyê Tulay Hatîmogûllari diyar kir ku karesata herî mezin a bi serî vî welatî hatî AKP ye û wiha got: “Heke nan tune be edalet nîne, heke edalet nebe nan jî tune ye. Pêdiviya me pir van her duyan heye.”
DEM Partiyê encamnameya sempozyûma “Avakirina Siberoja Çandinî û Xizayê" eşkere kir. Di encamnameyê de hat gotin ku pêwîste li dijî feraseta ku cotkaran ji cotkarî û hilberînê diqetîne rêxistinkirina kooperatîfiyê bê kirin.