Parlamenterê CHP'ê Mehmet Bekaroglu, têkildarî çalakiya dayikên girtiyan a li Meclîsê û êrişa li dijî dayikan nirxand û got: "Kî dibe bila bibe divê zagon ji bo her kesî wek hev têkevin meriyetê. Wê demê em ê bibin dewleta hiqûqê. Niha tişta dixwazin, daxwazek zagonî ye."
Parlamenterê HDP’ê yê Wanê Mûrat Sarisaç, ji ber 15’ê Gulane Roja Cejna Zimanê Kurdî, ji bo diyarkirina bandora neyînî û encamên girtina saziyên kurdî yên li ser kurdî pêşniyaza lêkolînê da Meclisê.
Siyasetmedar Hatîp Dîcle, diyar kir ku Rêberê PKK'ê Abdullah Ocalan di nameya xwe de, xeta xwe ya 2013'an parastiye û got: "Ocalan, ji bo Rojhilata Navîn û Suriyeyê demokrasiya xwecihî ya radîkal pêşniyaz dike."
Serokê Giştî yê CHP’ê Kemal Kiliçdaroglû, derbarê Dayikên Şemiyê û dayikên zarokên wan di grevên birçîbûnê de, yên dixwazin li ber girtîgehan çalakî pêk bînin û rastî êrîşan tên de, wiha got: “Dayikên ji bo ku zarokên wan nemirin li ber girtîgehan radiwestin çov dikin, wan kêm dixin. Gelo kijan dayik daxwaza zaroka wê bimire?”
Hevseroka Giştî ya HDP'ê Pervîn Buldan, di civîna koma Meclîsê de bang li hemû gelê Tirkiye kir ku di bin baneya HDP'ê û îtîfaqa Demokrasiyê de kom bibin û guh bidin peyama Îmraliyê û wiha got: " Peyama Îmraliyê pir girîng e. Ev banga diyalogê ji bo pêvajoyek nû dest pê bike heviyek nû ye. Ji bo diyaloga demokratîk dest pê bike, hemû kesên demokrasî, edalet û aştiyê diparêzin, divê bêdeng nemînin. Daxwaza rakirina tecrîdê daxwazek herî rewa û zagonî ye. Ger ku tecrîd rabe wê aştî, demokrasî û aramî pêş bikeve. Yên Tirkiye bi reve dibin bi şopa hilberîna SÎHA ketine. Ger ku li welatekî şer hebe li wir xizanî û sefaletî heye. Ger ku li welatekî aştî hebe, li wir aramî û şahî heye. Heta ku aştî û demokrakî pêş nekeve aramî û demokrasî pêş nakeve. Heta niha HDP'ê Tirkiye bi ser xist wê ji niha û şûnde jî bi ser bixe. Em dibêjin wê her tişt muhteşem be."
Serokwekîlî Koma HDP’ê Sarûhan Olûç ji bo rakirina tecrîdkirina Ocalan bang li muxalefetê kir û got: “Gotina ‘Bila Ocalan bi parêzerên xwe re hevdîtinan bike, hiqûq pêk bê’ ji hêla ve gelek zor e?”
Berdevka Komîsyona Mafê Mirovan a HDP'ê Ayşe Acar Başaran, derbarê grevên birçîbûnê û rojiya mirinê yên dewam dikin de, banga "Dibe ku sibe pir dereng be" li hikumetê kir û got: "Êdî saet jî girîngin û em li gorî vê bang dikin."
Kongreya Demokratîk a Gelan (HDK), têkildarî biryara YSK'ê ya betalkirina hilbijartina Stenbolê, diyar kir ku YSK bûye amûra darbeyê ya îktîdarê û wiha got: "Heta ku şert û mercên azad ên hilbijartinê neyên avakirin, heta zextên li ser hilbijartinê û pariyên muxalif bi dawî nebin, mirov nikare qala hilbijartina demokratik û wekhev bike."
MYK'ê ya HDP'ê têkildarî 82'emîn salvegera Terteleya Dersîmê daxuyanî da û xwest lêborîn bê xwestin, komkujî bê qebûlkirin, navê “Tuncelî” biguherînin, cihên goran bên vekirin, zerar û ziyan bê tazmînkirin, aqûbeta “Keçikên winda" bê ronîkirin û arşîvên eskerî bên vekirin.
Mehmet Bekaroglu yê CHP'î diyar kir ku divê tecrîdkirina Ocalan rakin û wiha got: “Divê em zextan li dewletê bikin ku dewlet li gorî zagoınên xwe tev bigere.
Hevserokê Giştî yê HDP’ê Sezaî Temellî, ji bo 15 girtiyên dest bi rojiya mirinê kirin bang li hêzên demokratîk kir û got: “Divê em bikevin nava tevgerê. Êdî dema me tuneye ku em xemsar û ji nedîtîve tevbigerin. Desthilatdarî êdî nikare di şertên tecrîdê Tirkiyeyê 4 salan din bi rê ve bibe.”
Serokwekîla Koma HDP’ê Fatma Kûrtûlan, diyar kir ku rojiya mirinê, dê di demek kurt de êşên mezin bi xwe re bîne û got: “Divê Wezareta Dadê û Serokê Meclîsê çareseriyê bibînin û demildest tecrîdê rakin.”
HDP’ê bi boneya 104'emîn salvegera Komkujiya Ermenan a di 24'ê Nîsanê pêk hat de, daxuyaniyek weşand û got: "Em êş û şîna gelê Ermen di dilê xwe de hîs dikin."
Hevseroka Giştî ya HDP’ê Pervîn Buldan di rûniştina taybet a 23’yê Nîsanê ya Meclîsê de axivî û bal kişand ser grevên birçîbûnê. Buldan got, “Hevala me Leyla Guven ji bo ku neheqî bi dawî bibin, pêşiya demokrasî û aştiyê vebe, di greva birçîbûnê deye.”
Hevserokên Giştî yên HDP’ê Pervîn Bûldan û Sezaî Temellî, çûn serdana Serokê Giştî yê CHP’ê Kemal Kiliçdaroglû.