COLEMÊRG - Ciwanan li Taxa Ormanê ya Geverê bi çalakiyekê bikaranîna çekên kîmyewî û qedexekirî şermezar kir. 

 

Ciwanan li Taxa Ormanê ya girêdayî navçeya Geverê ya Colemêrgê êrişên bi çekên kîmyewî yên li herêmên Zap, Avaşîn û Metînayê yên Herêma Kurdistana Federe yên li hemberî Hêzên Parastina Gel (HPG) bi çalakiyekê şermezar kirin. 

 

Hat ragihandin ku gava wesayîtên zirxî li Taxa Ormanê dewriye digeriyan ciwanan bi bombeyên deng êrişî wan kiriye û polîsan jî rastgele derdor gulebaran kirine. Paşê ciwan bi fîşekên hewayî êriş birine ser wesayîtên zirxî yên polîsan û ew û polîsan demekê şer kirine. 

 

Hat diyarkirin ku di dawiyê de ciwanan gelek rêyên taxê girtine û agir pêxistine. 

 

Beriya çalakiyê ciwanan li gelek dîwarên taxê, "Em ê bibin dengê kesên bi çekên kîmyewî bê bêhn hatine hiştine", "Hûn nikarin bi çekên kîmyewî hêza gerîla tune bikin”  û “Yekîneya Tolhildanê ya Şehîd Mazlûm Pîrdogan” nivîsandin. 

 

Hat diyarkirin ku piştî çalakiyan polîsan taxê dorpêç kiriye û hewl dane nivîsên li ser dîwaran jê bibin.