Li Tirkiyeyê di salên dawî de îthalata goştê sor, sewalan û kayê zêde bû. Hikûmetê qîma xwe bi vê yekê neanî, mêrgan xwe ji bo îmarê vekir. Lê vê carê jî li derveyî welat dest bi kirêkirina mêrgan kir. Serokê Şaxa ZMO ya Îzmîrê Ferdan Çîftçî dest nîşan kir ku, li derveyî welat kirêkirina mêrgan tu çareyê bi xwe re nayîne.
Huseyîn Turgut li gelek cihan serlêdana kar kir, lê hemû hewldanên wî bêencam man û dest bi firotina gulan kir. Turgut, diyar kir ku bi hinceta “karê li dijî qanûnê dikî” zabite wî asteng dikin û baceyê ji dixwazin.
Li Meletiyê, eleqeya ji bo “Bazara Ûris” her diçe zêdetir dibe. Li vê bazarê amûr û kincên li ser çopan hatine berhevkirin tên firotin. Welatî Ahmet Torun anî ziman ku mirov li vê bazarê leqayî kesên rewşa wan a aborî baş nayê û wiha got: “Mirovên li vê bazarê li ser çopan li nanê xwe digerin.”
Hikumeta ku di her hilbijartinê de li Colemêrgê soza razemeniyê dide, li bajêr ji sedî 80 esnaf ketin ber îcrayê. Her roja li bajêr bêkarî zêde dibe di salek dawî de tenê 5 kargeh vebûn.
Endamê SES'ê yê 21 salin xizmeta tenduristiyê dike Îsmet Turgut piştî hat îxrackirin, dikana etariyê vekir û dest bi firotina giha û nebatên xwezayî kir. Turgut, diyar kir ku ji ber endamê SES'ê bû hat îxrackirin û got: "Çi dibe bila bibe ez dê têkoşîna xwe bidomînim."
Serokê Giştî yê Dev Maden-Sen’ê Tayfun Gorgun l ili Şirnexê li madena ku 8 karker tê de jiyana xwe ji dest dan de lêkolîn kirin wiha got: “Niha div ê weziyetê de li vir madenvaniya servekirî nayê kirin. Divê li vir madenvaniya bin erdê bê kirin. Meseleya ‘qaçaxê’ çîrok e.”
Li Antalyayê li gel ziyareta turîstan zêde bûye jî lê jêhatin daketiye. Esnafan got ku ji 1'ê çile heta 30’ê îlonê nêzî 3 milyon turîstên Rûs hatine bajêr lê feydek li wan nebûye.
Karkerên Şîşecamê yên ji kar hatin derxistin, ber bi Tuzlayê ve meş dabûn destpêkirin lê Waliyê Kiriklareliyê ji karkeran re astengî derxist, karkeran dest bi nobedê kir û çalakiya wan du roj e didome û kar, qût û edaletê dixwazin.
Rêncberên Zeytûnên gundên girêdayî navçeya Mutê ku çandinî û firotina zeytûnan dikin, diyar kirin ku kirîna zeytûnan kêm bûye û nikarin zeytûnên xwe bifiroşin.
Li Antalyayê karkerên di şirketa pakêtkirinê de 12 saetan dixebitin, diyar kirin ku êşa stû û piştê dikişînin û wiha gotin: “Ji ber derdê debara malê, em di karên giran û ewlekariya jiyanê tuneye de dixebitin. Em karê pakêt û barkirinê bi 70 TL dikin.”
Jinên Arkeolog Miray Dîrîm û Arkeolog Teberik Kubra Dîrîm ji ber di pîşeya xwe de kar bi dest nexistin, cotgeha (çiftlik) dewaran ava kirin. Arkeologên bi hevre cotgeh avakirin, qatixên cotgehê li bazara Ruyê Erdê ya Foça difiroşin.
Karkerên Camê yên ji Fabrîqeya Camê ya Paşebahçeyê ya girêdayê Şîşecama Luleburgazê ji kar hatin avêtin, du roj e dimeşin. Meşa li ber Navenda Giştî ya Şîşecamê dest pê kir, di roja duyemîn de ye û karker edalet, kar û qut dixwazin.
Abdullah Ahmed ê ji Sûriyeyê li Bornavayê di dixebitî, ket birka plastîkên kevin û jiyana xwe ji dest da.
Ahmet Şeremet ê di darbeya leşkerî de 15 salan di girtîgehê de ma, wê jiyana komunî ya li girtîgehê hîn bû piştî derketinê jî didomîne. Şeremet pêşî tevî hin hevalên xwe komuna hilberîna pêlavan ava kir û wiha got: “Heke di civakekê de komun tune be, ezperestî, hesûdî, pevçûn û şidet dibe serwerê wê civakê.”
Masîvanên Mêrsînê, diyar kirin ku masiyên ku ew bi kedek mezin neçîr dikin, pere nake, lê bazirganên ku masiyan ji wan distînin bi pereyekî mezin difiroşin. Masîvan Ali Yeşilova, diyar kir ku di nava şert û mercên giran de masî tên komkirin û wiha got: "Em cefayê dibînin lê bazirgan sefaya masiyan dibînin.