NAVENDA NÛÇEYAN - Li gundewarê Dêrazorê di encama teqîna mayînekê ya bermahiyên şer de 3 zarok birîndar bûn.
Li bajarokê Xeşam ê gundewarê Dêrazorê ji ber teqîna mayînekê ya bermahiyên şer 3 zarok birîndar bûn. Li gor nûçeya Ajansa Nûçeyan a Hawarê (ANHA) her sê zarok dema di nava zeviyekî çandiniyê de dilîstin, mayîn bi wan de teqiyaye. Di encamê de her sê zarok bi giranî birîndar bûne. Zarokên birîndar ji bo nexweşxaneyên bajarê Hesekê hatin veguhestin.
Li gorî Navenda Çavdêriya Mafên Mirovan a Sûriyeyê (SOHR), ji destpêka îsal ve ji ber teqîna mayînan li Sûriyeyê 8 kesan jiyana xwe ji dest dane û 13 jê zarok bi giştî 16 kes jî birîndar bûne.