Endama Mafê Mirovan a Herêma Efrînê Nayele Mihemed anî ziman ku piştî ku Tirkiyeyê Efrînê dagir kiriye sûcên li hemberî jinan êdî bûne sûcine rojane. Nayele, destnîşan kir ku Efrîn bajarekî jina bû û got: "Bihuşt bû ji bo jina. Piştî dagirkirine bu dojeha jina."
Li Manîsayê, Înîsiyatîfa Dayikên Aştiyê hat avakirin. Ji Dayikên Aştiyê Behiye Yalçin, bang li dayikan kir ku ji bo pêkanîna aştiyê tevlî xebatên înîsiyatîfê bibin.
Li Afganistanê 4 aktîvistên jin mirî hatin dîtin.
Edîbe Babûr a dema li Wanê hat binçavkirin û gotibû ‘Kurd wê serî ji we re netewînin’ wiha got: “Ev gotin ne ya min tenê ye, gotineke ku her kurdê birûmet dibêje ye. Ji bilî berxwedan û serîhildanê tu alternatîfa kurdan nîne.”
Li gorî çeteya tundiya li ser jinan a JINNEWS'ê, di meha cotmehê de 23 jin hatine kuştin û 14 jin jî bi awayekî biguman jiyana xwe ji dest dane.
Li navçeya Luleburgazê zilamê bi navê Selçûk G, jina bi navê Îlknûr Gokay Tuncel kuşt.
Li Mêrdînê fermandarê qereqolê Fahrî Ç. ku ji ber sûcê tacizê tê darizandin, peyamên wî yên naveroka wan zayendî wekî "peyamşandinekê" hatin nirxandin û derbarê wî de biryara beraetê hat dayîn.
Emîne Balûr ku piştî têkoşîneke 178 roja cenazeyê keça xwe ya 450 xiram mayî wergirt, got: "Mûyek porê keça min jî bûna, heya min ew negirtana ez nedisekinîm."
Li Şirnexê jînên ku xebat û çalakiyên wan tên astengkirin diyar kirin ku dê têkoşîna xwe ya li qadan mezintir bikin û gotin : "Wê hêza wan têrê neke ku me hepsî malê bikin."
Meclisa Dayikên Aştiyê ya Amedê, bi dayikên Şirnexê re hatin gelhev û pêvajoya siyasî nirxandin.
Hêzên paramîlîter ên girêdayî Tirkiyeyê, li ber Klînîka Dr. Rakan a li bajarê Girê Spî 3 jin revandin
Rêxistinên jinan, anîn ziman ku dê tezkereya şer herî zêde bandorê li jin û zarokan bike û ji bo têkoşîneke yekbûyî bang kirin.
Derbarê dayika Pinar Gultekîn a ku Cemal Metîn Avci ew qetil kiribû Şefîka Gultekîn de ji ber ku gilîyê wê hatiye kirin lêpirsîn hat destpêkirin.
Helîme Osman ku li Kobanê di eniyên şer de li dijî DAIŞ'ê şer kir û îro jî li dijî tundiya li ser jinê têdikoşe, diyar kir ku Tirkiye û DAIŞ ji "nasnameya berxwedêr a jinê" ku bi pêşengiya Rêberê PKK'ê Abdullah Ocalan hatiye avakirin ditirsin.
Meclîsa Jinê ya HDP'ê, berî pêşniyaznameya ew ê pêşniyazî Komîsyona Budçeyê ya Meclîsê bike bi jinên bi rêya KHK'ê ji kar hatine avêtin re hat gelhev