Zanyara siyasetê ya feminîst Françoise Vergès piştgirî da banga Abdullah Ocalan û diyar kir ku gelên Kurd û Tirk di qonaxeke dîrokî de ne û xwest her kes piştgiriyê bide aştiyê.
Hevserokê Giştî yê DEM Partiyê Tuncer Bakirhan li Stenbolê bi dengbêjan re civiya û got: “Piştî avakirina komarê, ziman, çand û dîroka me hate qedexekirin. Xwestin bîra gelê kurd tune bikin lê dengbêjan destûr nedan.”
Hevseroka Giştî ya DEM Partiyê Tulay Hatîmogûllari diyar kir ku gel dixwaze mercên azad ji bo Abdullah Ocalan bên avakirin ku bi rehetî bixebite û fikrên xwe parve bike û got: “Komîsyon divê tavilê bi birêz Ocalan re hevdîtinê bike.”
Rêxistina Mafên Mirovan a Kurdistanê ragihand ku ji 3 girtiyên cezayê darvekirinê lê hatiye birîn û ji Girtgîgeha Urmiyeyê sewqî Girtîgeha Giştî ya Sucanê hatine kirin, agahî nayên girtin.
Rêveberiya Xweser, têkildarî biryara Hikûmeta Demkî ya Şamê ku bi hinceta “ewlehiyê” dê li Bakur û Rojhilatê Sûriyeyê hilbijartinê neke, diyar kir ku hewldana ji bo rewakirina siyaseta înkarê ye.
MSD’ê ragihand ku komxebata şêwirê ku dihat payin di 25’ê Tebaxê de were lidarxistin, hatiye taloqkirin.
Li Mêrsînê mînîbuseke xwendekaran li TIR’a parkkirî xist. Di qezayê de zarokek jî di nav de 2 kesan jiyana xwe ji dest dan û 10 kes jî birîndar bûn.
Komîsyona Jin û Destûra Bingehîn diyar kir ku ew dixwazin bibin dengê hemû jinên ji aştiyê bawer û ji bo civakîkirina wê têdikoşin û got: “Em dixwazin li ser vê maseyê bibin deng û awazên hemû jinên li Tirkiyeyê ku baweriya wan bi aştiyê heye û ji bo civakîkirina wê têdikoşin. Werin em gotina xwe bikin yek.”
Zarokê 14 salî Serdal P., dema li Qaxizmanê pez diçêrand, bi guleya çekê jiyana xwe ji dest da.
Ji ber xebatên lêgerîna petrolê yên TPAO’yê, kaniyên Çiyayên Gabarê qirêjî bûn û hişk bûn. Şêniyên gundê Ziyaretê gotin: “Di demên berê de li her devera gundên me kanî hebûn lê niha tune ne. Her roj em diçin walîtiyê û ji me re dibêjin ‘ha îro ha sibe’ lê me dixapînin.”
Serokê Şaxa ÎHD’a Amedê Ercan Yilmaz diyar kir ku ji bo çareseriya pirsgirêka Kurd divê komîsyona li meclisê hatiye avakirin hem li Abdullah Ocalan hem jî Koma Aştî û Civaka Demokratîk guhdarî bike û gavên divê bên avêtin rêz kir.
Li navçeya Elbistanê ya Mereşê bi pileya 4.0 erdhej çêbû.
Rêxistinên Elewî, çêkirina mescidê ya li Çavkaniyên Munzûrê protesto kirin.
Çalakiya 700'emîn a RÛniştina F'yê de, banga azadiya hemû girtiyên nexweş hat kirin.